Հանգիստ մնացեք. Էրդողանը սպառնացել է բալիստիկ հրթիռներով հարվածել Հունաստանին

Թուրքիայի նախագահ Ռեջեփ Թայիփ Էրդողանը հրապարակավ ակնարկել է, որ կարող է թուրքական Typhoon փոքր հեռահարության բալիստիկ հրթիռներ ուղարկել Հունաստանի մայրաքաղաքի վրա, գրում է Politico-ն։

«Եթե դուք հանգստություն չպահպանեք, եթե փորձեք զինվել՝ լինի դա Ամերիկայում կամ այլ երկրներում, Թուրքիան «ձեռքերը ծալած» չի նստի։ Մենք կարող ենք հանկարծակիի բերել մի գիշեր, երբ ժամանակը գա», – ասել է Էրդողանը: Նա հավելել է, որ Աթենքը վախենում է Թուրքիայի սպառազինության արտադրության ընդլայնումից, որը վերջերս փորձարկել է Typhoon հրթիռները։ Նա ընդգծել է, որ իրենք կարող են հասնել Հունաստանի մայրաքաղաք։

Վերջին ամիսներին Անկարան ուժեղացրել է Հունաստանին ուղղված սպառնալիքների իր հռետորաբանությունը՝ մեղադրելով նրան Էգեյան ծովի հունական կղզիներում (թուրքական ափամերձ գոտում) զենքի զինապահեստներ կառուցելու մեջ: Ավելի վաղ Թուրքիայի արտգործնախարար Մևլութ Չավուշօղլուն նույնպես զգուշացրել էր Հունաստանի իշխանություններին Էգեյան ծովի հետագա ռազմականացման դեպքում «անհրաժեշտ քայլեր ձեռնարկելու» հնարավորության մասին։

Թեև երկու երկրներն էլ ՆԱՏՕ-ի դաշնակիցներն են, դաշինքի մյուս անդամները դեռևս համաձայն չեն որոշ երկկողմ վեճերի: Ինչպես նշում է Khamsin Season Telegram ալիքը, մի շարք խնդիրներ նույնպես կարող են բարդացնել Էրդողանի վերընտրվելու ճանապարհը։ Խոսքը վերաբերում է ոչ միայն Հունաստանի, այլ նաև տնտեսության, փախստականների ճգնաժամի և գործազրկության խնդիրներին։