200 հազար նոր զինվոր են պատրաստում. Ռուսական բանակը հարձակում է նախապատրաստում Կիևի վրա. Վալերի Զալուժնի

«200 հազար նոր զինվոր են պատրաստում», Ռուսական բանակը հարձակում է նախապատրաստում Կիևի վրա: Այս մասին հայտարարել է Ուկրաինայի զինված ուժերի գլխավոր հրամանատար Վալերի Զալուժնին։

«Ռուսաստանը մարդկանց և զենք է քաշում նոր հարձակման համար: Արդեն հունվարին, բայց, ամենայն հավանականությամբ, գարնանը, այն կարող է մեծ հարձակում սկսել Դոնբասից արևելքում, հարավից կամ նույնիսկ` Բելառուսից»,- ասաց նա։

Նրա խոսքով, Կիևի վրա հարձակումը, որի կազմում կլինեն ավելի քան 200 հազար ռուս զինվորներ, կարող են սկսվել արդեն փետրվարին։
«Նրանք կարող են գնալ ոչ թե Դոնբասից, այլ դեպի Կիև` Բելառուսից: Ես չեմ բացառում նաեւ հարավային ուղղությունը։ Նման ռեսուրսներով Ուկրաինան չի կարող նոր խոշոր գործողություններ իրականացնել, չնայած մենք ներկայումս աշխատում ենք դրա վրա»,- ասել է Զալուժնին։

Միաժամանակ նա վստահ է, որ Ուկրաինան մեծ խնդիրներ չի ունենա, քանի որ այժմ Ուկրաինայի զինված ուժերն աշխատում են հերթական լայնածավալ գործողության վրա, որի արդյունքում Ռուսաստանը կարող է դուրս մղվել Ուկրաինայի տարածքից։