Մեդվեդեւն ակնարկում է պաշտոնապես ընդունել, որ ՆԱՏՕ-ն պատերազմի մեջ է ՌԴ-ի հետ

Դմիտրի Մեդվեդևը, խոսելով Ուկրաինայի հետ կապված ՆԱՏՕ-ի եւ նրա անդամ երկրների գործողությունների մասին, հման կարծիք է հնչեցրել.

«Այսօր կա հիմնական հարցը՝ արդյոք ՆԱՏՕ-ի կողմից մեր երկրին դե ֆակտո հայտարարված հիբրիդային պատերազմը կարելի՞ է համարել Դաշինքի մուտքը Ռուսաստանի դեմ պատերազմի մեջ։ Ուկրաինային հսկայական քանակությամբ զենքի մատակարարումը կարելի՞ է համարել հարձակում Ռուսաստանի վրա։ Եվ, համապատասխանաբար, իրավաչափ են արդյոք Հյուսիսատլանտյան դաշինքի ռազմական նպատակները։
ՆԱՏՕ-ի երկրների ղեկավարները միաձայն երգում են, որ իրենց երկրները և ամբողջ դաշինքը պատերազմի մեջ չեն Ռուսաստանի հետ։ Բայց բոլորը քաջ գիտակցում են, որ ամեն ինչ այլ է…»:

Այսպիսով, Մեդվերդեւը ՌԴ իշխանությունների անունից պարզ հայտարարում է, որ եկել է վերջնական կողմնորոշման հարցը: Այն է` ՌԴ-ին պաշտոնապես կֆիքսի՞, որ ՆԱՏՕ-ի եւ նրա անդամ-երկրների հետ պատերազմի մեջ է, թե՞ կշարունակի այդ իրավիճակը լռության մատնել Դատելով փաստից, որ Մեդվեդեւը հրապարակավ խոսում է այս մասին, ենթադրելի է, որ սա մի վերջին նախազգուշացում է ԱՄՆ-ի, որին կհաջորդի ՌԴ-ի նման որոշումը: Իսկ եթե ՌԴ-ն պաշտոնապես ֆիքսի, որ ՆԱՏՕ-ն պատերազմի մեջ է մտել ՌԴ-ի հետ, հասկանալի է, կունենա ամենալուրջ հետեւանքները: