ՌԴ-ԱՄՆ բոլոր գաղտնի պայմանավորվածությունները զրոյացան

ԱՄՆ-ը 1,85 միլիարդ դոլարի լրացուցիչ ռազմական օգնություն է հատկացնում Ուկրաինային, ներառյալ Patriot հակաօդային պաշտպանության համակարգերը: Այս մասին պաշտոնապես հայտարարել է Սպիտակ տունը:

Ասել, թե Patriot-ի մի քանի միավոր` իր միլիոնավոր դոլար արծողությամ հրթիռներով հանդերձ, Ուկրաինայում որակ կփոխի, միամտություն է: Ավելին, այդ զինատեսակը կարող է հիմա շարքային ուկրաինացիների մոտ հույսեր առաջացնել, սակայն ռուսական հրթիռների առաջին իսկ խոցումներից հետո հաջորչդած հուսախաբությունն ավելի բարդ ներքին իրավիճակ առաջ կբերի Ուկրաինայում, քան հիմա կա:

Սակայն Patriot-ներ տալը այլ բնույթի փոփոպխություն է առաջ բերում: Սա այն զինատեսակներից մեկն է, որը ՌԴ-ն համարում է «կարմիր գիծ»: Եվ երբ Սպիտակ տունը, չնայած բազում նախազգուշացումներին ,որոշեց հատել այդ գիծը, ապա դա նշանակում է հետեւյալը:

Առաջին, ՌԴ-ԱՄՆ բոլոր նախկին գաղտնի պայմանավորվածությունները, այդ թվում` Սալիվանի առաջարկած բանակցային բանաձեւը, որի հիման վրա ռուսական ուժերն առանց կռվի լքեցին Դնեպրի աջ ափը, սրանով չեղարկվում են:

Երկրորդ, Մոսկվան կարող է սրանով ֆիքսել, որ ԱՄՆ-ի հետ որեւէ բան պայմանավորվելը ռեալ չէ, «կգցեն»:

Երրորդ, այս իրավիճակը ֆիքսում է, որ ուկրաինական պատերազմը տեղափոխվում է որակական միանգամայն այլ փուլ, որի ժամանակ ռուսները կարող են անցնել ավելի «ծանր» զինատեսակների` զանգվածային ռմբակոծություններից սկսած, մինչեւ տակտիկական միջուկային հարված:

Չորրորդը, սրանով Բայդենը եւս մեկ մեծ քայլ արեց գլոբալ Արմագեդոնին ընդառաջ: