Ռուսաստանը Իրանին Սու-35 կմատակարարի «Շահիդ»-ների դիմաց. IsraelInfo

Ռուսաստանը շուտով կանի այն, ինչի մասին խոսում էին օգոստոսից սկսած՝ Իրանին կմատակարարի առաջադեմ Սու-35 բազմանպատակային կործանիչներ։ Այս մասին հայտնում է իսրայելական հեռուստատեսության 12-րդ ալիքը՝ հղում անելով արեւմտյան հետախուզությանը, գրում է IsraelInfo-ն։

Ըստ էության, ինչպես գրում է թերթը, խոսքը յուրատեսակ բարտերի մասին է։ Սկզբում 24 կործանիչներից բաղկացած խմբաքանակը նախատեսված էր Եգիպտոսի համար, սակայն ԱՄՆ-ը համոզեց Կահիրեին հրաժարվել գործարքից, իսկ այժմ Թեհրանը կստանա դրանք «Շահիդ»-ների դիմաց։

«Ըստ ամենայնի, Ռուսաստանին չի կանգնեցնի Իսրայելի նախազգուշացումը, որ Իրանի հետ ռազմական համագործակցության աճը կդրդի Երուսաղեմին զենք մատակարարել Ուկրաինային, որից Իսրայելը ձեռնպահ մնաց՝ չնայած ԱՄՆ-ի և ներքին ճնշմանը»,- մեկնաբանում է Իսրայելինֆո-ն իրավիճակը։