- 26/12/2022
Լաչինի միջանցքն այսօր-վաղը կբացվի՞
Ստեփանակերտի Վերածննդի հրապարակից քայլերթով ռուսական խաղաղապահ զորակազմի անցակետ հասած արցախցիների հետ զրույցում ռուս խաղաղապահները հավաստիացրել են, որ Ստեփանակերտ-Գորիս մայրուղին կբացվի դեկտեմբերի 26-ին: Այս մասին պատմել են ակցիայի մասնակիցները:
«Հանդիպումն անցավ հանգիստ, առանց լարված մթնոլոտի: Ադրբեջանցիների չտեսանք, խաղաղապահներն այնպես էին փակել ճանապարհը, որ դա անհնարին էր, թեպետ մենք բախման նպատակով չէինք էլ գնացել: Խաղաղապահները մեզ խոստացան, որ ճանապարհը բաց կլինի դեկտեմբերի 26-ին: Ըստ նրանց՝ այդ օրը Ռուսաստանում կարեւոր հանդիպում է լինելու, որից շատ բան է կախված: Եթե ճանապարհը չբացվեց, մենք պատրաստ կլինենք շրջափակել օդանավակայանի կողքին գտնվող իրենց ռազմաբազան»,- նշել են նրանք:
26-27-ին, ԱՊՀ ոչ-պաշտոնական գագաթնաժողովի շրջանակներում, Սանկտ Պետերբուրգ է մեկնելու Նիկոլ Փաշինյանը: Կկայանա՞ այնտեղ Պուտինի եւ Ալիեւի հետ եռակողմ հանդիպում, դեռ հստակ չէ: Ըստ ամենայնի, դա կախված է տեղում պայմանավորվածությունենրից. եթե կոնկրետ հարցերով, այդ թվում` ճանապարհների գործարկման խնդրի շուրջ վերջապես լինեն պայմանավորվածություններ, դա ոչ միայն Լաչինի միջանցքի, այլ նաւե «խաղաղության պայմանագրի» խնդիրը կլուծի: Սակայն Արեւմոիտքը շարունակում է ճնշել Նիկոլին, որ Հայաստանի ճանապարհների անվտանգության վերահսկողությունը հանկարծ ռուսներին չհանձնի, եւ ունենք այն, ինչ ունենք: Այսինքն, այսօր-վաղը Լաչինի միջանցքը բացվելու հավականակությունը, իհարկե, կա: Բայց այն կարող է նաեւ փակ մնալ:
