- 26/12/2022
ՌԴ-ն կկարողանա ոչնչացնել Patriot ՀՕՊ համակարգերը՝ դրանք Ուկրաինային մատակարարվելու դեպքում. Պուտին
Ռուսաստանը կկարողանա ոչնչացնել Patriot հակաօդային պաշտպանության համակարգերը, եթե Միացյալ Նահանգները դրանք մատակարարի Ուկրաինային, հայտարարել է ՌԴ նախագահ Վլադիմիր Պուտինը՝ այսօր «Россия-1» հեռուստաալիքի եթերում «Մոսկվա. Կրեմլ. Պուտին» հարցազրույցի ընթացքում։
«Իհարկե, մենք կչրթենք ենք, 100 տոկոսով»,- վստահեցրել է նա լրագրող Պավել Զարուբինին տված հարցազրույցի ընթացքում՝ միաժամանակ, հիշեցնելով, որ Ուկրաինան «դեռեւս չունի» նման համակարգեր։
Հինգշաբթի օրը Պուտինը լրագրողներին ասել էր, որ Patriot-ը բավականին հին համակարգ է, եւ այն չի աշխատում ռուսական С-300-ի նման։ Միաժամանակ նա ասել էր, որ այդ համալիրների համար «հակաթույն» կգտնվի, հաղորդում է ՏԱՍՍ լրատվական գործակալոթյունը։ Ի դեպ, ուկրաինական բանակն ի սկզբանե զինված էր ստեղծման ժամանակագրության առումով Patriot-ին համարժեք С-300-ներով, որը, սակայն, պաշտպանունակության առումով քիչ բան տվեց: Նաեւ հաշվի առնելով, որ այդ կարգի համակարգերին արդեն փոխարինման են եկել միանգամայն այլ մարտական մակարդակներ ունեցող С-400 եւ С-500 համակարգերը:
