Ռուսական բանակը զինվում է զանգվածային և էժան գերճշգրիտ ավիառումբերով

Ըստ փորձագետների, լուսանկարում ներկայացված է ամերիկյան JDAM կառավարվող ավիառումբերի երկար սպասված ռուսական անալոգը: Խոսքը բարձր ճշգրտության զինամթերքի մասին է, որը ստացվում է չկառավարվող ռումբերից՝ վերազինվելով ուղղիչ մոդուլներով։

Այս դեպքում ФАБ-500 ռումբին, որի մեծ քանակություններ կան ռուսական զինանոցում, նույնպես թեւեր են ամրացրել՝ ենթադրելով, որ արտադրանքը կարող է նաև «լողալ» օդում։ Միևնույն ժամանակ, բավականին կոպիտ կատարման բնույթը հուշում է այն մասին, որ զիննզտեսակը դեռ նախատիպային մակարդակում է, թեեւ նախատիպից մասսայական ձեւափոխված տարբերակին անցնելը կարճ ժամանակի խնդիր է։

ФАБ-500-ը դեռ 1950-60-ական թվականներից արտադրության մեջ մտած 500 կիլոգրամ հզորությամբ ավիառումբ է: Այն հզոր զինատեսակ է, սակայն ժամանակակից պատերազմների համար ունի մեկ թերություն: Զինատեսակը նախատեսված է զանգվածային ռմբակոծությունների համար, որի արդյունավետությունը տասնապատիկ անգամ ավելի փոքր է, քան կառավարելի ավիառումբերի դեպքում:

Փորձագետները խոսում են, որ ФАБ-500-ը կառավարելի դարձնելու պարագայում ռուսական օդատիեզերական ուժերը կզինվեն զանգվածային և էժան գերճշգրիտ զենքերով: Ընդ որում, դա հնարավորություն կտա նաեւ խուսափել պահեստներում կուտակված մեծ քանակությամբ հին ավիառումբերի պահպանման կամ ուտիլիզացման մեծ ծախսերից: