Ռուսաստանի նոր հարձակումը լինելու է Զապորոժեի ուղղությամբ. Ուկրաինայի ռազմական հետախուզություն

Ռուսաստանի նոր հարձակումը, ամենայն հավանականությամբ, կլինի Զապորոժյեի ուղղությամբ, ասել է Ուկրաինայի պաշտպանության նախարարության հետախուզության գլխավոր վարչության (ԳՌՈՒ) ներկայացուցիչ Վադիմ Սկիբիցկին։

Corriere della Sera-ի իտալական հրատարակությանը տված հարցազրույցում Սկիբիցկին բացատրել է, որ Կիևն ակնկալում է հարձակումների ինտենսիվության աճ «գարնան և ամառի միջև»: Միաժամանակ, Ուկրաինայի իշխանությունները դեռ չեն մտածում Բելառուսից ռուսական ուժերի հարձակման մասին։

Ուկրաինայի Զինված ուժերի հետախուզության ներկայացուցիչը հայտարարել է, որ.

Ռուսաստանը ուժեղացնում է ճնշումը՝ ավելի ու ավելի հարձակվելով Դոնբասի հատվածում:
Խարկովի ուղղությամբ ռուսական բանակը ձգտում է զսպել Ուկրաինայի զինված ուժերի հակահարձակումը։
Ռուսաստանի կողմից վերահսկվող Խերսոնի շրջանի հատվածում, ինչպես նաեւ Ղրիմում ռուսներն ամրապնդում են իրենց դիրքերը։
Շուտով ռուսական բանակի կողմից կարող է նոր հարձակում լինել Ուկրաինայի ենթակառուցվածքի վրա օդի ջերմաստիճանի նվազման ֆոնին։