Ռուսական որ զենքն են ԱՄՆ-ում համարում իրենց անլուծելի խնդիրը

Ռուսական նորագույն «Ավանգարդ» հիպերձայնային հրթիռները իսկական գլխացավանք են դարձել ԱՄՆ-ի համար, գրում է «Shukan Gendai» ճապոնական հրատարակությունը։

Խոսքը «Ավանգարդ» մարտական ​​համակարգի մասին է, որը ոչնչացնելը չափազանց դժվար է, գործնականում` անհնար։

«Նույնիսկ եթե հնարավոր լինի հայտնաբերել, ժամանակին այն ոչնչացնելն անհնար կլինի։ Ավելին, այն շարժվում է ձախից աջ զիգզագային ձևով, ինչը չափազանց դժվարացնում է զենքի ոչնչացումը»,- լրատվամիջոցը մեջբերել է ռազմական փորձագետ Մասակի Տակաբեն։

«Ավանգարդ» հիպերձայնային հրթիռները, ըստ հայտնի տվյալների, զարգացնում են 28 մախ արագություն, որը մոտավորապես հավասար է վայրկյանում 7,5 կիլոմետրի։ Միևնույն ժամանակ, բլոկը մանևրում է անկանխատեսելի հետագծով, ինչը գրեթե անհնար է դարձնում նրան հակահրթիռային զենքերով ոչնչացնելը։