• 16/01/2023

Պուտինից «Արիության համար» մեդալ ստացած Հայկ Գասպարյանը պարգևատրվել է Սոլեդարի գրավման համար

Պուտինից «Արիության համար» մեդալ ստացած Հայկ Գասպարյանը պարգևատրվել է Սոլեդարի գրավման համար

Ռուսական «Վագներ» մասնավոր ռազմական ընկերության ղեկավար, գործարար Եվգենի Պրիգոժինը «Վագներ»-ի մարտիկ Հայկ Գասպարյանին հանձնել է «Սոլեդարի գրավման համար» մեդալը, գրում է riafan.ru-ն։

Գործարարն անձամբ է եկել մարտիկների դիրքեր՝ համապատասխան մեդալները շնորհելու։

Մեդալների հանձնման ժամանակ պարգևատրվել է «Վագներ» ՄՌԸ գրոհային խմբի հրամանատար Հայկ Գասպարյանը՝ «Աբրեկ» մականունով։

Հարկ է նշել, որ մինչ այս ՌԴ նախագահ Վլադիմիր Պուտինը Գասպարյանին հանձնել էր «Արիության համար» մեդալը։

Նշենք, որ խոսելով Դոնեցկի Սոլեդար քաղաքի գրավման մասին՝ Պուտինը հույս էր հայտնել, որ «ՌԴ մարտիկները մեկ անգամ չէ, որ իրենց կուրախացնեն մարտական աշխատանքի արդյունքներով»։

Սոլեդարի գրավումն ավարտվել է հունվարի 12-ի երեկոյան։

Путин наградил наемника ЧВК «Вагнера», осужденного на 7 лет колонии за  вооруженное ограбление