• 24/01/2023

Ահեղ դատաստանի ժամացույցի սլաքները ռեկորդային չափով միջուկային կեսգիշերին մոտ են

Ահեղ դատաստանի ժամացույցի սլաքները ռեկորդային չափով միջուկային կեսգիշերին մոտ են

Ահեղ դատաստանի ժամացույցի սլաքները 10 վայրկյանով մոտեցվել են «միջուկային կեսգիշերին»՝ Ուկրաինայի հակամարտության պատճառով։

Այժմ «միջուկային ապոկալիպսիսի կետին» մնացել է 90 վայրկյան։

Doomsday Clock-ը Չիկագոյի համալսարանի կողմից հրապարակված «Ատոմային գիտնականների տեղեկագրի» նախագիծն է: Այն սկսվել է 1947 թվականին ամերիկյան առաջին ատոմային ռումբի ստեղծողների կողմից։ Պարբերաբար ամսագրի շապիկին հրապարակվում է ժամացույցի պատկեր՝ ժամի և րոպեի սլաքներով, որոնք ցույց են տալիս, թե ինչքան է մնացել մինչեւ «միջուկային կեսգիշեր»:

«Աննախադեպ վտանգ». ռուս-ուկրաինական պատերազմը մոտեցրեց հայտնի «Ահեղ դատաստանի օրվա» ժամացույցի սլաքները պատմության մեջ կեսգիշերին իր ամենամոտ արժեքին:

Եվ ամենավատն այն է, որ միջուկային զենք օգտագործելու Ռուսաստանի քողարկված սպառնալիքները աշխարհին հիշեցնում են, որ հակամարտությունների էսկալացիան՝ պատահական, նախագծված կամ սխալ հաշվարկով, սարսափելի ռիսկ է:

«Մենք ապրում ենք աննախադեպ վտանգի ժամանակաշրջանում, և դատաստանի օրվա ժամացույցն արտացոլում է այդ իրականությունը: Կեսգիշերին 90 վայրկյանը ամենամոտ ժամանակն է, որը երբևէ եղել է, և մեր փորձագետները այս փաստին անլուրջ չեն վերաբերվում: ԱՄՆ կառավարությունը, ՆԱՏՕ-ի նրա դաշնակիցները և Ուկրաինան երկխոսության բազմաթիվ ուղիներ ունեն: Մենք խրախուսում ենք ղեկավարներին՝ ամբողջությամբ ուսումնասիրել դրանք բոլորին, որպեսզի հետ շրջեն ժամացույցը», – ասում է բ.գ.թ., Bulletin of the Atomic Scientists-ի նախագահ և գործադիր տնօրեն Ռեյչել Բրոնսոնը:

Վերջին անգամ ժամացույցի սլաքը կեսգիշերից «հեռացել է» 2010 թվականին։ Հետո ժամը 23:54 էր։ Այդ ժամանակվանից սլաքը միայն առաջ է շարժվել, և այս անգամ ֆիքսվել է 23:58:30-ի վրա:

Նույնիսկ Կարիբյան ճգնաժամի օրերին, երբ համարվում էր, որ միջուկային պատերազմն անխուսափելի է, նման ցուցանիշ չարձանագրվեց: