Մեր տանկերը վաղուց հնացել են, մենք պատրաստ չենք երկար պատերազմի. Թրամփի նախկին խորհրդական

Մեր տանկերը վաղուց հնացել են, մենք պատրաստ չենք երկար պատերազմի: Այս մասին ասել է Թրամփի նախկին խորհրդական, ԱՄՆ բանակի գնդապետ Դուգլաս Մակգրեգորը՝ մեկնաբանելով Աբրամս տանկերի մատակարարումն Ուկրաինային։

«Մենք արդեն 30 տարի գիտենք, որ գազատուրբինային շարժիչը աղետ է և վառելիքի սպառման, և դրա մեջ ցանկացած կեղտի ներթափանցման պատճառով: Սա շարժիչ է, որը նախատեսված է 15 հազար ֆուտ բարձրության վրա գտնվող ռեակտիվ ինքնաթիռների համար, ոչ թե ցամաքում օգտագործելու համար:Եվ սա այն շարժիչն է, որը պետք է տանկը ուղարկի դեպի թշնամին ժամում 50-60 կիլոմետր արագությամբ,բայց տանկն այդ արագությամբ գնալու կարիք չունի: Abrams M1-ը շատ խնդիրներ ունի, և մարդիկ չէին ցանկանա օգտագործել այն վախի պատճառով, որ խնդիրներ կլինեն դրա աշխատանքից: Ոչ թե թնդանոթից, ոչ թե անձնակազմից, այլ ընդհանուր առմամբ տանկից:

Ե՛վ եվրոպացիները, և՛ մենք բավականաչափ կարողություններ չունենք մեծ հակամարտություն ծավալելու համար։ Մենք դա պարզապես չունենք: Ռուսները դա ունեն։ Նրանց գործարանները աշխատում են 24 ժամ։ Եվ հակառակ տարածված կարծիքի, նրանք երբեք ոչինչ չեն սպառում, ունեն ավելին, քան պետք է: Այնպես որ, այդ ամենը շատ վտանգավոր է»: