Ուկրաինայում գլխավոր ճակատամարտը շատ մոտ է

Այս­պի­սով, այս ծայ­րա­հեղ բարդ եւ վտան­գա­վոր ի­րա­վի­ճա­կում (Տե´ս նաեւ https://iravunk.com/?p=247333&l=am) ի՞նչ պատ­կեր է ուկ­րա­ի­նա­կան ռազ­մա­ճա­կատ­նե­րում, ի՞նչ շան­սեր ու­նեն կող­մե­րը:

Այս պա­հին ռու­սա­կան ու­ժե­րը ռազ­մա­ճա­կա­տա­յին գրե­թե ողջ պա­րա­մետ­րով հար­ձա­կում­նե­րի մեջ են: Հիմ­նա­կան հատ­ված­նե­րից՝ Լի­ման-Սե­ւերսկ ուղ­ղու­թյամբ ըն­թա­նում է Սե­ւերս­կի շրջա­փակման գոր­ծըն­թա­ցը եւ ա­ճող հա­ջո­ղու­թյամբ: Մի փոքր ա­վե­լի հա­րավ՝ Սո­լե­դա­րի գրա­վու­մից հե­տո ակ­տիվ ըն­թա­ցքի մեջ է Ար­տյո­մովս­կի (Բախ­մուտ) շրջա­փակ­ման օ­պե­րա­ցի­ան: Ընդ ո­րում, կա­րե­ւո­րա­գույն ռազ­մա­վա­րա­կան նշա­նա­կու­թյուն ու­նե­ցող Բախ­մուտն ար­դեն իսկ օ­պե­րա­տիվ շրջա­փակ­ման վի­ճա­կում է, եւ հա­զիվ թե այս ճա­կա­տա­մար­տը եր­կար տե­ւի: Մո­տա­վո­րա­պես նույն պատ­կերն է Դո­նեցկ քա­ղա­քի հատ­վա­ծում, ո­րի դի­մաց ուկ­րա­ի­նա­կան ա­մե­նա­ամ­րաց­ված կե­տե­րից մեկն է՝ Ավ­դե­եւ­կան: Ու այս դեպ­քում եւս ակ­տիվ ըն­թաց­քի մեջ է այդ պաշտ­պա­նա­կան գո­տին շրջա­փա­կե­լու օ­պե­րա­ցի­ան: Այս պա­հին Ավ­դե­եւ­կա­յի գործ­նա­կա­նում մի­ակ մա­տա­կա­րար­ման ու­ղուց՝ նրա թի­կուն­քում գտնվող Օռ­լով­կա բնա­կա­վայ­րից ռու­սա­կան ու­ժե­րը մի քա­նի կի­լո­մետ­րի վրա են, ճա­նա­պարհ­ներն ար­դեն կրա­կի տակ են: Դո­նեցկ քա­ղա­քից ա­րեւ­մուտք ուկ­րա­ի­նա­կան մեկ այլ հան­գու­ցա­յին պաշտ­պա­նա­կան գո­տի կա՝ Մա­րին­կա-Ուգլե­դար քա­ղաք­նե­րը: Մա­րին­կան գրավ­ված է, իսկ նա­խօ­րե­ին ռու­սա­կան ու­ժե­րը մտան Ուգ­լե­գար, եւ այս հատ­վա­ծում եւս կա «կաթ­սա­յի» ստեղծ­ման վտանգ: Ա­վե­լի ա­րեւ­մուտք  Զա­պո­րո­ժիե­ի ուղ­ղու­թյունն է, որ­տեղ եւս վեր­ջին օ­րե­րին ռու­ս­ա­կան ու­ժե­րը հար­ձակ­վում են:

Այս ա­մե­նին պետք է ա­վե­լաց­նել ողջ ճա­կա­տով մեկ գրե­թե մշտա­կան հրթի­ռահ­րե­տա­կո­ծու­թյուն­նե­րը, ա­վի­ա­ցի­ոն գրոհ­նե­րը, ո­րոնք աս­տի­ճա­նա­բար «մա­ղում» են ուկ­րա­ի­նա­կան բա­նա­կը: Նա­եւ կեն­սա­կան հա­մա­կար­գե­րի ուղ­ղու­թյամբ շա­րու­նակ­վող գրոհ­նե­րը, այդ թվում՝ ե­րեկ­վա հզոր հրթի­ռա­յին հար­ձա­կու­մը:

Այ­սինքն, կա այն ընդ­հա­նուր տպա­վո­րու­թյու­նը, որ ռու­սա­կան ու­ժե­րը բա­վա­կա­նին բա­րեն­պաստ վի­ճա­կում են: Բայց այս ա­մե­նը դեռ պա­տե­րազ­մի վեր­ջը չի ո­րո­շում: Ուկ­րա­ի­նա­յում հա­մա­տա­րած մո­բի­լի­զա­ցի­ա է, կո­պիտ ա­սած, ում բռնե­ցին, ու­ղար­կում են պա­տե­րազմ, եւ այս մի­ջո­ցով բա­նա­կի քա­նա­կա­կան կազ­մը դեռ պահ­պան­վում է: Գու­մա­րած ա­րեւմ­տյան օգ­նու­թյու­նը, ո­րը եւս դեռ բա­վա­րար ծա­վալ­նե­րով է: Շրջա­նառ­վում է նա­եւ այն հիմ­նա­կան վար­կա­ծը, որ նոր մա­տա­կա­րա­րում­ները, այդ թվում՝ տան­կե­րը, կօգ­տա­գոր­ծվեն դե­պի Ղրիմ ճեղ­քում ի­րա­կա­նաց­նե­լու հա­մար, թե­եւ դրա հա­վա­նա­կա­նու­թյու­նը դժվար է մեծ գնա­հա­տել:

Մյուս կող­մից, թե­եւ ըն­թա­ցիկ հար­ձա­կում­նե­րին, սա­կայն ակն­հայտ է նա­եւ, որ Ռու­սաս­տա­նը եւս դեռ գլխա­վոր հար­վա­ծին չի ան­ցել: Կան բա­վա­կա­նին լուրջ կու­տա­կում­ներ, այդ թվում նա­եւ Բե­լա­ռու­սի տա­րած­քում: Ակ­տիվ ա­ճի մեջ է նա­եւ ռազ­մա­կան ար­դյու­նա­բե­րու­թյու­նը:

Կարճ ա­սած, գլխա­վոր ճա­կա­տա­մար­տը առ­ջե­ւում է, եւ այն, ըստ ա­մե­նայ­նի, ար­դեն շատ մոտ է:

Բայց մյուս կող­մից էլ նա­խօ­րե­ին ի­րա­նա­կան աղ­բյուր­նե­րից մեկն ու­շագ­րավ լուր տա­րա­ծեց: «Ռու­սաս­տա­նը բա­նակ­ցու­թյուն­ներ է վա­րում Ի­րա­նի Իս­լա­մա­կան Հան­րա­պե­տու­թյան հետ եր­կա­թու­ղու կա­ռուց­ման շուրջ, եւ վեր­ջին հան­դի­պում­նե­րում Թեհ­րա­նում եւ Աս­տա­րա­յում (Գի­լան նա­հանգ) եր­կու ռուս պաշ­տո­նյա­ներ ե­կան եւ քննար­կե­ցին եր­կա­թու­ղա­յին գի­ծը»: Իսկ ա­հա կից ներ­կա­յաց­ված քար­տե­զում, որ­պես հիմ­նա­կան ուղ­ղու­թյուն է ներ­կա­յաց­ված Ի­րա­նից Հա­յաս­տան հա­տող ու­ղին (տե՛ս քար­տե­զը):

Եվ սա դեռ ա­մե­նը չէ: Ա­րեւմ­տյան աղ­բյուր­ներն ի­րենց հեր­թին տա­րա­ծե­ցին պնդում­ներ, թե Ռու­սաս­տանն Ի­րա­նին տրա­մադ­րում է 10-20 մի­ջու­կա­յին մար­տագ­խիկ, գու­մա­րած՝ Սու-35 ինք­նա­թիռ­նե­ր, ո­րոնց դի­մաց կստա­նա փոքր հե­ռա­հա­րու­թյան հրթիռ­նե­րի բա­վա­րար խմբա­քա­նակ:

Եր­կու լուրն էլ բա­վա­կա­նին ի­րա­տե­սա­կան տեսք ու­նեն, ա­ռա­վել եւս, որ օ­րերս Ի­րա­նից լսվեց սպառ­նա­լիք, թե՝ դուրս կգա մի­ջու­կա­յին զեն­քի չտա­րած­ման պայ­մա­նագ­րից: Այ­սինքն, այն տպա­վո­րու­թյունն է, որ ՌԴ-ն ու Ի­րա­նը կտրուկ ամ­րաց­նում են հա­րա­վա­յին ուղ­ղու­թյու­նը՝ այս հատ­վա­ծում ա­վե­լորդ ցնցում­նե­րից խու­սա­փե­լու հա­մար: Իսկ ռազ­մա­կան հա­մա­գոր­ծակ­ցու­թյան ա­ճի եւ հրթիռ­նե­րի մատա­կա­րար­ման սցե­նար­նե­րը, ինչ խոսք, ի­րենց է­ա­կան ազ­դե­ցությ­ու­նը կու­նե­նան ուկ­րա­ի­նա­կան սպաս­վող գլխա­վոր ճա­կա­տա­մար­տի վրա:

ՔԵ­ՐՈԲ ՍԱՐԳ­ՍՅԱՆ