- 01/02/2023
Իսրայելի վարչապետն Իրանին սպառնում է ռազմական ուժ կիրառել
Ռազմական ուժի կիրառման սպառնալիքը կարող է լինել միակ գործոնը, որը կարող է կասեցնել Իրանի միջուկային ծրագիրը։ Համապատասխան հայտարարությամբ հանդես է եկել Իսրայելի վարչապետ Բենիամին Նեթանյահուն։
Եթե զսպումը ձախողվի, Իսրայելը պետք է գործի, ասել է նա, հաղորդում է CNN-ը:
«Չեմ կարծում, որ իրանցիները պատերազմ են ուզում, որովհետև նրանք կպարտվեն, նրանք շատ զգույշ են դրանում, բայց ես կասեի, որ եթե այդպիսի երկիրն ուզում է միջուկային զենք ունենալ, ապա կարող ես նրանց հետ հարյուր պայմանագիր կնքել, բայց դրանք չեն իրականացվի»,- ասաց վարչապետը։
Նա նաև ընդգծել է, որ հինգ երկրների պատմության մեջ, որոնք փորձել են միջուկային զենք ձեռք բերել, երեքը կանգնեցվել են ռազմական ուժով։