- 04/02/2023
Բայդենի դեմ ներամերիկյան կռվի սուր փուլը սկսվեց
ԱՄՆ Կոնգրեսի Ներկայացուցիչների պալատը չի գնա պետական պարտքի առաստաղը մեծացնելու` առանց պետական ծախսերի բարեփոխման։ Այս մասին հինգշաբթի օրը լրագրողների հետ ունեցած ելույթի ժամանակ հայտարարել է Ներկայացուցիչների պալատի խոսնակ Քեւին Մաքքարթին։
«Ես շատ պարզ կասեմ՝ մենք բաց չենք թողնի պետական պարտքի զուտ (աճ) առանց ծախսային բարեփոխումների։ Ի վերջո, ծախսերի բարեփոխում կլինի»,- ասաց նա։
Մաքքարթին ընդգծել է, որ պետական պարտքի ավելացումը պետք է ուղեկցվի «վարքագծի փոփոխությամբ»՝ կապված պետական ծախսերի հետ։
Այս համատեքստում, իհարկե, ենթադրվում է Բայդենի վարչակազմի չկառավարվող ծախսերի ուսումնասիրություն, հիմնավորվածություն եւ վերահսկողություն: Խոսքը նաեւ Ուկրաինային հատկացված միջոցների մասին է, թե դրանք ինչու են տրվել եւ ինչքանով են հիմնավորված ծախսվել: Ընդ որում, բոլորն են հասկանում, որ այդ հատկացումների մի զգալի մասն «ատկատների» տեսքով, մի զգալի մասն էլ` գողության տեսքով հայտնվել են ամերիկյան եւ ուկրաինական բարձրաստիճան պաշտոնյաների հաշիվներին: Դե, հիմա էլ Կոնգրեսը հաշվետվություն է պահանջում, որ թույլ տա պետական պարտքի վերին շեմը բարձրացնել: Եթե չբարձրացվի, ԱՄՆ-ն մեկ-երկու ամսից կհայտնվի դեֆոլտի մեջ` բոլոր հետեւանքներով հանդերձ:
Կարճ ասած, Բայդենի դեմ ներամերիկյան կռվի սուր փուլը սկսվեց:
