- 14/02/2023
ԱՄՆ բանակը չի բացառում կործանված օբյեկտների այլմոլորակային ծագման վարկածը
Հյուսիսային Ամերիկայի հակաօդային պաշտպանության հրամանատարության (NORAD) ղեկավար Գլեն վան Հերքը չի բացառել, որ վերջին օրերին ԱՄՆ օդային տարածքում խփված թռչող օբյեկտը կարող է լինել այլմոլորակային ծագում, սակայն ընդգծել է, որ հետախուզական ծառայությունները պետք է վերջնական եզրակացություն անեն:
Վերջին օրերին ԱՄՆ կործանիչները Ալյասկայի, Կանադայի և Հուրոն լճի երկնքում որսացել են անհայտ ծագման և նպատակակետի երեք բարձրադիր թիրախ։ Լրագրողների համար հատուկ ճեպազրույցի ժամանակ վան Հերկին հարցրել են, թե արդյոք զինվորականները պատրա՞ստ են ամբողջությամբ բացառել ԱՄՆ-ի երկնքում խփված ինքնաթիռների այլմոլորակային ծագման վարկածը։ Այս հարցը, ինչպես նշեց միջոցառմանը ներկա լրագրողներից մեկը, ակտիվորեն հետաքրքրում է ամերիկյան հանրությանը։
«Շնորհակալություն ձեր հարցի համար: Ես կթողնեմ հետախուզությունն ու հակահետախուզությունն այս հարցում իրենց եզրակացություններն անեն։ Անձամբ ես այս փուլում ոչ մի վարկած չեմ բացառում»,- ասաց բարձրաստիճան զինվորականը։
Այնուհետև նա ավելացրեց. «Մենք շարունակում ենք գնահատել Հյուսիսային Ամերիկային մոտեցող յուրաքանչյուր սպառնալիք կամ պոտենցիալ սպառնալիք և փորձեր ենք անում բացահայտել դրանք»:
Հրամանատարության ղեկավարի խոսքով՝ ԱՄՆ զինվորականները դեռ չեն որոշել, թե ինչն է օդում պահել հյուսիսում խոցված իօբյեկտը, և վստահ չեն, որ խոսքը օդապարիկների մասին է։
«Ես չեմ կարող բացատրել, թե ինչպես են նրանք մնացել օդում։ Հավանաբար, կառույցի ներսում եղել է գազով լցված օդապարիկ կամ ինչ-որ շարժիչ համակարգ։ Սակայն պարզ է, որ դրանք օդում էին»,- ասել է վան Հերկը։
CNN-ը նախկինում մեջբերել էր օդաչուներին, ովքեր ասում էին, որ տեսողական դիտարկմամբ չեն կարող որոշել, թե շարժիչները որտեղ են գտնվում մեքենաների վրա: