Հայկ Բաբուխանյանը պաշտոնական հանդիպում է ունեցել Վարդան Ղուկասյանի հետ

«Ուժեղ Հայաստան Ռուսաստանի հետ. հանուն նոր Միության» շարժման համակարգող, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԸ այսօր պաշտոնական հանդիպում է ունեցել Գյումրիի քաղաքապետ ՎԱՐԴԱՆ ՂՈՒԿԱՍՅԱՆԻ հետ։ Հանդիպման ընթացքում Հայկ Բաբուխանյանը իր ամբողջական աջակցությունն է հայտնել Վարդան Ղուկասյանի հնչեցրած այն հայտարարությանը, որ Հայաստանի անկախությունն ու ինքնիշխանությունը պահպանելու միակ միջոցը Ռուսաստան-Բելառուս միութենական պետությանը միանալն է։

Իր հերթին Վարդան Ղուկասյանն ընդգծել է, որ քաջատեղյակ է եւ ողջունում է «Ուժեղ Հայաստան Ռուսաստանի հետ. հանուն նոր Միության» շարժման գաղափարախոսությունը ու ակտիվ գործունեությունը:

Հանդիպմանը ներկա էին նաեւ Գյումրիի քաղաքապետի տեղակալ Գագիկ Մանուկյանը եւ ՍԻՄ կուսակցության մարզային պատասխանատու Ներսես Ներսիսյանը։

Հանդիպումը անցել է ջերմ եւ կառուցողական մթնոլորտում:

«Ուժեղ Հայաստան Ռուսաստանի հետ. հանուն նոր Միության» շարժման լրատվական ծառայություն