- 02/02/2022
ԱՄՆ պետական պարտքն անցավ 30 տրիլիոն դոլարից
Երեքշաբթի օրը հրապարակված ԱՄՆ գանձապետարանի տվյալների համաձայն՝ ԱՄՆ պետական պարտքը հասել է ռեկորդային առավելագույնի՝ առաջին անգամ գերազանցելով 30 տրիլիոն դոլարը։
Ըստ ֆինանսական փորձագետների, որոնց հետ զրուցել են ամերիկյան հրատարակությունները, այս ցուցանիշին Վաշինգտոնը սպասվածից մի քանի տարի շուտ է հասել։
«Սա դաշնային կառավարության կողմից 5 տրիլիոն դոլարի ներդրման արդյունքն էր կորոնավիրուսային համաճարակի դեմ պայքարում, ներառյալ գործազրկության նպաստները, փոքր բիզնեսին աջակցելու միջոցառումները և խթանիչ վճարումները», – նշում է «New York Times»-ի վերլուծաբանը:
Հարցված տնտեսագետների մեծ մասը համաձայնել է, որ ԱՄՆ-ի ռեկորդային պետական պարտքը աղետի ազդանշան չի տալիս, առաջին հերթին այն պատճառով, որ երկրի տնտեսությունը աճում է, չնայած համաճարակին, իսկ տոկոսադրույքը մնում է ցածր:
