Ստրելկովը պատրաստ է ղեկավարել Ուկրաինային սահմանակից ռուսական շրջանների աշխարհազորը

ԴԺՀ պաշտպանության նախկին նախարար, «Նովոռոսիա» հասարակական շարժման ղեկավար Իգոր Ստրելկովը (Գիրկին) պատրաստ է ղեկավարել Ուկրաինային սահմանակից ռուսական շրջանների ժողովրդական աշխարհազորը։ Այս մասին նա հայտարարել է այսօր՝ ապրիլի 14-ին, Ուկրաինայի զինված ուժերի կողմից Բրյանսկի եւ Բելգորոդի շրջանների գնդակոծման մասին տեղեկությունից հետո։

«Ես պատրաստ եմ ղեկավարել Բրյանսկի շրջանի ժողովրդական աշխարհազորը։ Կամ Բելգորոդի, Կուրսկի, Գոմելի կամ Մոգիլևի (Բելառուսի տարածքում) … Պատրաստ է պարզապես մասնակցել Բրյանսկի կամ Բելգորոդի շրջանների ժողովրդական աշխարհազորին ցանկացած կարգավիճակով»,- ասել է Ստրելկովը։
Նա կարծում է, որ ընթացիկ իրադարձությունների ֆոնին ժամանակն է ստեղծել սահմանամերձ շրջանների աշխարհազոր։

«Եվս մի քանի շաբաթ, և դա շատ ուշ չի լինի, բայց ազդեցությունը հնարավորից շատ ավելի ցածր կլինի», – ասաց ԴԺՀ պաշտպանության նախարարության նախկին ղեկավարը:
Դոնբասում հակամարտության ակտիվ փուլի պահպանության մեկնարկից հետո Իգոր Ստրելկովը հրաժարական է տվել 2014 թվականի օգոստոսին՝ դրա համար մեղադրելով Վլադիսլավ Սուրկովին (ներկայումս նույն Սուրկովի հասցեին քիչ չեն ընդհուպ` պետական դավաճանության մեղադրանքները: Նաեւ, որ տարիներ շարունակ ղեկավարելով ռուսական քաղաքականության ուկրաինական ուղղությունը, նա հսկայական փողեր է գրպանել` ՌԴ ղեկավարությանը կեծ տեղեկություններ հրամցնելով, որի հետեւանքները պարզ երեւացին նաեւ այս պատերազմի ժամանակ: Մինչդեռ, Ստրելկովը դեռ այն ժամանակ էր զգուշացնում` Սուրկովը հենց այդպես էլ կվարվի)։ Մոտ 2016 թվականից նա սկսեց քննադատել Ռուսաստանի ղեկավարությանը` Ուկրաինայի նկատմամբ, իր կարծիքով, անորոշ քաղաքականության համար։ Հատուկ ռազմական գործողության մեկնարկից հետո Ստրելկովը բազմիցս ընդգծել է, որ անիմաստ է որևէ բանակցություն վարել Կիևի հետ, կոչ է արել ավելի վճռական գործողությունների՝ ընդհուպ մինչև պատերազմի հայտարարումը, մատնանշել է Ռուսաստանում ընդհանուր մոբիլիզացիայի անհրաժեշտությունը։

Ստրելկովի նկատմամբ Ուկրաինայում հետախուզում է հայտարարված` ահաբեկչության և անկարգություններ կազմակերպելու մեղադրանքով։ Կա նրա ձերբակալման օրդեր։