Բրիտանացիներն ու Զելենսկին էին անիմաստ կոտորվելու ուղարկել ուկրաինական տասնյակ զինվորների

Զմեյնի կղզում Ուկրաինայի զինված ուժերի հարձակումը մտահղացել են բրիտանացի խորհրդականները, և Վլադիմիր Զելենսկին անձամբ է հրաման տվել՝ չնայած Ուկրաինայի գլխավոր շտաբի առարկություններին, հայտնել է ՌԴ անվտանգության ուժերի աղբյուրը։

«Զմեյնի կղզում անհավանական հիմար հարձակման հրամանը տվել է անձամբ Զելենսկին և պահանջել է հասնել «մեդիա արդյունքի» մինչև մայիսի 9-ը: Ըստ արդեն հաստատված տեղեկությունների, Վալերի Զալուժնին և նրա գլխավոր շտաբը դեմ են եղել այս ինքնասպանական գործողության գաղափարին, ինչին Զելենսկուն առաջարկել են նրա բրիտանացի խորհրդականները»,- ասել է նա։

Մայիսի 7-ից ռուսական զորքերը հետ են մղել Զմեյնի կղզին գրավելու մի քանի փորձ։ ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովի խոսքով՝ ուկրաինական զորքերը կորցրել են 14 ինքնաթիռ և ուղղաթիռ, ինչպես նաև 30 անօդաչու թռչող սարք և ավելի քան 50 անձնակազմ։

«Այս ակցիայի եզրափակիչը պետք է լիներ, այսպես կոչված, Մեծ Բրիտանիայի վարչապետ Ջոնսոնի և Զելենսկու հաղթանակի մասին համատեղ հայտարարությունը, բայց, ի վերջո, միայն Ջոնսոնը խոսեց՝ ոչ մի բառ չնշելով Զմեյնի կղզու օպերացիայի աղետի մասին»,- ասել է աղբյուրը։