ՀԱՊԿ խաղաղապահները կմեկնե՞ն Դոնբաս

Մինչև ռուսական բանակի հատուկ գործողության ավարտը ՀԱՊԿ խաղաղապահները չեն հայտնվի Ուկրաինայի կամ Դոնբասի ազատագրված տարածքներում։ Սակայն ապագայում հնարավոր են տարբերակներ, այդ թվում՝ խաղաղապահ կոնտինգենտի մասնակցությամբ, ասել է Պետդումայի պաշտպանության կոմիտեի ղեկավար Անդրեյ Կարտապոլովը։

Լրագրողների հետ հարցազրույցում Կարտապոլովը նշել է, որ հատուկ գործողության ավարտից հետո «հնարավոր են տարբեր տարբերակներ», և որոշակի տարածքներում կարող են ներգրավվել խաղաղապահներ։

«Մենք չենք կարող բացառել, որ նրանց ծառայությունները, ռեսուրսները պետք կգան։ Այսօր ես դրա կարիքը չեմ տեսնում, իսկ իրավիճակն ինքնին դա թույլ չի տալիս։

Քանի դեռ հատուկ ռազմական գործողությունը շարունակվում է, այնտեղ խաղաղապահներ չեն հայտնվի»,- շեշտեց խորհրդարանական հանձնաժողովի ղեկավարը։

Հետկոնֆլիկտային փուլում, նրա խոսքով, «հնարավոր են տարբեր տարբերակներ»։