Ռոստովի դատարանում փախուստի փորձի ժամանակ ամբաստանյալի` ուղեկցորդի վրա հարձակման կադրերը (ՏԵՍԱՆՅՈՒԹ)

Ռոստովի դատարանում փախուստի փորձի ժամանակ ամբաստանյալ Իվան Կոստյուկովի` ուղեկցորդի վրա հարձակման կադրերը:

Ձերբակալվածը գետնին տապալել է աշխատակցին՝ սրիչով հարվածելով նրա պարանոցին ու մեջքին։ Դրանից հետո նա աշխատակցի ծառայողական զենքը վերցնելով` մի քանի կրակոց է արձակել կարգադրիչի ուղղությամբ։ Վերջինս պատասխան կրակով կարողացել է վնասազերծել Կոստյուկովին։

Հայտնի է, որ 49-ամյա ամբաստանյալը մեղադրյալ է առանձնապես ծանր քրեական գործերով՝ 2018 թվականին նա փորձել է սպանել ինկասատորներին՝ նրանց վրա մարտական նռնակ նետելով, իսկ հետո՝ սկսելով կրակել զենքից։ Բայց հետո ինկասատորները կարողացել են հակահարված տալ, և հանցագործը դիմել է փախուստի։ Մեկ տարի անց Կոստյուկովը կրկին հարձակվել է ինկասատորների վրա, սակայն այս փորձը եւս ավարտվել է անհաջողությամբ, եւ Կոստյուկովը կալանավորվել է։