- 17/07/2022
Երբ կգրավվի Օդեսան. Յակով Կեդմին ժամկետ է նշել
Իսրայելի հատուկ ծառայությունների նախկին ղեկավար, ռազմական փորձագետ Յակով Կեդմին քաղաքագետ Ալեքսանդր Վալդմանի Youtube ալիքում կարծիք է հայտնել, թե երբ ռուսական զորքերը հատուկ գործողության ընթացքում վերահսկողության տակ վերցնեն Օդեսան։
Կեդմինի կարծիքով, ՌԴ նախագահ Վլադիմիր Պուտինի՝ ՌԴ ԶՈւ հրամանատարության ներկայացուցիչների հետ վերջերս կայացած հանդիպմանը քննարկվել է Դոնբասից դուրս հարձակողական գործողության հետագա շարունակությունը։
Փորձագետն ընդգծել է, որ կարող է միայն կռահել, թե «ուր, որտեղ, ինչ ուղղությամբ» ռուսական զորքերը ավելի հեռուն կգնան։ Սակայն արդեն պարզ է, որ ռուս զինվորականները «լրջորեն ակտիվացել են Սեւ ծովի ափին»։
«Իրականում դա շարժում է դեպի Օդեսա, որը բնական է այս իրավիճակում, եւ արդեն սկսվել է մի քանի ուղղությունից»,- ընդգծել է Քեդմին։
Նա հավելել է, որ եթե իրադարձությունները զարգանան ներկայիս տեմպերով, ապա Օդեսան «կվերցվի սեպտեմբերի սկզբին»։
«Օդեսան կազատագրվի մինչև ուսումնական տարվա սկիզբը: Ուսումնական տարին կսկսվի ռուսական ծրագրով»,- ևս մեկ անգամ կարծիք հայտնեց փորձագետը։
Նա հավելեց, որ վերջնաժամկետը կարող է մի փոքր փոխվել` երկու-երեք շաբաթով։
Կեդմինը նաև ենթադրել է, որ Օդեսայի վերահսկողությունը «դանդաղ, բայց հաստատուն» առաջ է ընթանում, քանի որ հատուկ մոտեցում է անհրաժեշտ՝ քաղաքը ավերակներից զերծ պահելու համար:
«Այս մոտեցումը մշակվել է, և տրվել են համապատասխան հրամաններ», – նշել է նա։