- 18/07/2022
Փաստացի, ՆԱՏՕ-ն արդեն պատերազմում է Ռուսաստանի հետ. Լավրով
ՌԴ ԱԳ նախարար Սերգեյ Լավրովը «Իզվեստիա»-ի համար բավականին կոշտ հոդված է գրել «Բեմադրությունը` որպես արևմտյան քաղաքականության մեթոդ»: Հոդվածի հիմնական թեզերն են.
– ՆԱՏՕ-ի հրահանգիչները և ամերիկյան համազարկային կայանքների նշանառուները արդեն ուղղակիորեն ղեկավարում Ուկրաինայի Զինված ուժերի գործողությունները: Փաստացի, ՆԱՏՕ-ն արդեն պատերազմում է Ռուսաստանի հետ։
– Իզուր են Շոլցի պահանջները Ռուսաստանի Դաշնությանը՝ Կիեւի հետ երաշխիքների մասին համաձայնագիր կնքելու մասին: Նման փաստաթուղթ արդեն կար, դա Մինսկ-2-ն է, որին «սպանեցին» ԳԴՀ-ն ու Ֆրանսիան։
– Գերմանիայի կանցլեր Օլաֆ Շոլցն ապարդյուն է ջանքեր գործադրում, երբ Ռուսաստանից պահանջում է նոր համաձայնագիր` Ուկրաինայի տարածքային ամբողջականության և ինքնիշխանության երաշխիքների վերաբերյալ` Մինսկի համաձայնագրերի տապալումից հետո։ Դա չի լինի:
– Արևմուտքն ու Կիևը դեռևս չեն պատասխանում տարրական հարցերին, թե արդյոք Բուչայում սադրանքի ժամանակ սպանվածների անունները պարզվե՞լ են։
– Արևմուտքը պատրանքների աշխարհից պետք է վերադառնա երկիր: Նրանց բեմադրությունները, որքան էլ շարունակվեն, չի ստացվի։
– Միացյալ Նահանգները ապացույցներ չունի Ուկրաինայում կենսաբանական լաբորատորիաների խաղաղ բնույթի մասին:
– Մոսկվան Արևմուտքին կոչ է անում «արդար խաղալ»՝ միջազգային իրավունքի հիման վրա։
