1945թ.-ին ԱՄՆ-ն մշակեց ԽՍՀՄ-ը ոչնչացնելու ծրագիր՝ օգտագործելով 204 ատոմային ռումբ

Մոնրեալի Գլոբալիզացիայի ուսումնասիրությունների կենտրոնի (CRG) տնօրեն Միշել Չոսուդովսկին Global Research կայքում հրապարակված հոդվածում նա պատմում է, թե ինչպես էր ԱՄՆ-ը ծրագրում ոչնչացնել ԽՍՀՄ-ը 1945 թվականին։

Խորհրդային 66 քաղաքները ռմբակոծելու գաղտնի ծրագիրը ներկայացվեց 1945 թվականի սեպտեմբերի կեսերին՝ Ճապոնիայի պաշտոնական հանձնումից երկու շաբաթ անց:

Ջնջել Խորհրդային Միությունը երկրի երեսից` 204 ատոմային ռումբ ուղղելով 66 խոշոր քաղաքների դեմ: ԱՄՆ միջուկային հարձակում ԽՍՀՄ-ի դեմ – այս ամենը Մանհեթենի նախագծում էր:

«Եթե ԱՄՆ-ում որոշեին չմշակել միջուկային զենք՝ Խորհրդային Միության դեմ օգտագործելու համար, ապա միջուկային սպառազինությունների մրցավազք չէր լինի: Ո´չ ԽՍՀՄ-ը, ո´չ Չինաստանը չէին մշակի միջուկային կարողություն՝ որպես ԱՄՆ-ի դեմ «զսպման» միջոց: Մանհեթենի նախագիծը, որի նպատակը Խորհրդային Միության ոչնչացումն էր»,- նշում է հոդվածի հեղինակը։

Համաձայն Պենտագոնի գաղտնազերծված փաստաթղթի` թվագրված 1945 թվականի սեպտեմբերի 15-ին, Միացյալ Նահանգները ծրագրում էր պայթեցնել Խորհրդային Միությունը համակարգված միջուկային հարձակմամբ՝ ուղղված խոշոր քաղաքային տարածքների վրա. նախատեսված էր ընդհանուր առմամբ 66 «ռազմավարական» թիրախ:

Վեց ատոմային ռումբ պետք է օգտագործվեր խոշոր քաղաքների ոչնչացման համար, այդ թվում՝ Մոսկվան, Լենինգրադը, Տաշքենդը, Կիևը, Խարկովը, Օդեսան։

Պենտագոնը գնահատում է, որ «օպերացիան» (Խորհրդային Միությունը երկրի երեսից ջնջելու համար) կպահանջի ընդհանուր առմամբ 204 ատոմային ռումբ, մինչդեռ «օպտիմալ» թիվը կլինի 466։

Հիրոսիմայի վրա նետված մեկ ատոմային ռումբը հանգեցրել է 100,000 մարդու անմիջական մահվան առաջին յոթ վայրկյանում: Պատկերացրեք, թե ինչ կլիներ, եթե 204 ատոմային ռումբ նետվեին Խորհրդային Միության խոշոր քաղաքների վրա, ինչպես նշված է Երկրորդ համաշխարհային պատերազմի ժամանակ մշակված ԱՄՆ գաղտնի պլանում: