Ռուսական «Սարմատը» տասնյակ տարիներով գերազանցում է ամերիկյան «Minuteman III»-ին. ռազմական փորձագետ

Ռուսական միջմայրցամաքային «Սարմատ» հրթիռը տասնյակ տարիներ գերազանցում է ամերիկյան Minuteman III-ին, ասել է ռազմական փորձագետ Ալեքսեյ Լեոնկովը։

««Սարմատը» ստեղծվել է որպես հաջորդ սերնդի հրթիռ, որն ունի շատ արագ արձակում և մուտք դեպի հարվածային ուղեծիր։ Այն զինված է մարտագլխիկներով՝ օգտագործելով կառավարվող հիպերձայնային տեխնոլոգիան։ Ամերիկացիներն այժմ հիպերձայնում առանձնահատուկ ձեռքբերումներ չունեն։ Նրանց ծրագիրը ինչ-որ տեղ վաղ փուլերում է: Երկու տարի միայն ինքնաթիռի թևի տակից փորձեցին հրթիռ արձակել, որպեսզի այն թռչի 5 մախով (ձայնի հնգապատիկ արագությամբ, հիպերձայնի նվազագույն շեմը)։ Այնքան ժամանակ է անցել, և նրանց հրթիռը դեռևս չի կարողանում մանևրել, խոցել թիրախը։ Չէի ասի, որ նրանք ինչ-որ տեղ մեզ մոտ են։

Եթե ​​ընդհանուր առմամբ խոսենք ռազմավարական միջուկային ուժերի նորացման մասին, ապա Ռուսաստանում դրանք թարմացվել են 88%-ով։ Երբ «Սարմատը» լիովին մտնի ծառայության, այն կլինի 100%: Ամերիկացիները չեն կարող պարծենալ նման բանով։ Նրանք վերջին մարտագլխիկն արտադրել են 1991 թվականին, իսկ «Minuteman III»-ի վերջին հաջող արձակումը եղել է 2010 թվականին»,- հավելել է Ալեքսեյ Լեոնկովը։