Առնետավազքը սկսվեց. Օդեսայի քաղաքապետը հանդես է եկել ՌԴ-ի հետ բանակցությունների օգտին և քննադատել Զելենսկուն

Օդեսայի քաղաքապետ Գենադի Տրուխանովն առաջինն է, որ զգաց մոտալուտ շրջադարձի նշանները, և իտալական Corriere della Sera թերթին տված հարցազրույցում հայտարարեց, որ «միլիոնավոր մարդկանց կյանքը վտանգված է», ուստի փոխզիջումները պետք է գտնվեն:

«Իհարկե, ես կցանկանայի վերադառնալ մեր 1991 թվականի սահմաններին, բայց պետք է քայլ առ քայլ բանակցել, աստիճանաբար փոխզիջումների փնտրել, խուսափել առճակատումից»,- հայտարարել է նա։

Քաղաքական գործիչը դժգոհել է, որ Զելենսկին ավելի շատ ինքնավարություն չի տվել շրջաններին, ինչպես նաև դրական երանգներով նշելով, որ վերջին 30 տարիների ընթացքում ռուս զբոսաշրջիկները «մենաշնորհել են լողափերը, հյուրանոցները, տուրիստական ​​գործակալությունները և հանգստի ամբողջ ոլորտը» ուկրաինական քաղաքում։ Վերջապես, քաղաքապետը դեմ է արտահայտվել Օդեսայում կայսրուհի Եկատերինա II-ի հուշարձանը քանդելուն՝ հայտարարելով, որ «պատմությունը դրանից չի փոխվի»: «Ես դեմ եմ արձանների քանդմանը. Եթե ​​նույնիսկ քանդենք հուշարձանները, պատմությունը չի փոխվի: Գիտեմ, որ 25000 ստորագրությամբ միջնորդությունը հավաքվել է, բայց սպասում եմ։ Այս տրամաբանությամբ ես էլ պետք է Պուշկինի՞, թե՞ Գագարինի հուշարձանը հանեմ։ Դա իմաստ չունի»:

Այս հարցազրույցի համար ուկրաինացի նեոնացիստները խիստ քննադատության են ենթարկել Տրուխանովին։