- 17/09/2022
Արևմուտքի համար միեւնույնն է, թե քանի մարդ կզոհվի Ուկրաինայում. Պետդեպի նախկին պաշտոնյա
ԱՄՆ-ն և Մեծ Բրիտանիան չեն ցանկանում, որ Ուկրաինան համաձայնության գա Ռուսաստանի հետ՝ հույս ունենալով դրանով երկարաձգել հակամարտությունը և փորձել թուլացնել Ռուսաստանը, Fox Business հեռուստաընկերությանը տված հարցազրույցում ասել է Պետդեպարտամենտի նախկին պաշտոնյա Քրիստիան Ուիթոնը։
«Չեմ կարծում, որ ճգնաժամը շուտով կավարտվի, ինչը ցավալի է։ <…> Ուկրաինան կարող է բանակցություններ սկսել Ռուսաստանի հետ և դադարեցնել արյունահեղությունը: Բայց ես վստահ չեմ, որ առաջին հերթին դա ԱՄՆ-ն է, և երկրորդը` Լոնդոնը թույլ կտան:
Նրանք կարծում են, որ հակամարտության շարունակությունը մեծ հնարավորություն է Ռուսաստանին արյունահոսելու փորձի համար։ Նրանցից ոչ մեկին չի հետաքրքրում, թե քանի մարդ է այնտեղ մահանում»,- ասում է Ուիթոնը:
Նա նաև կարծում է, որ Կիևը լավ պատճառներ ունի հրաժարվելու որոշ տարածքներից, որոնք իրենն են համարում:
«Ուկրաինան կարող է լքել որոշ շրջաններ, որտեղ ապրում է էթնիկապես ռուս, ռուսալեզու մարդիկ, որոնց աշխարհայացքը տարբերվում է կենտրոնին ավելի մոտ և երկրի արևմուտքում գտնվող շրջաններից», – եզրափակել է Պետդեպարտամենտի նախկին պաշտոնյան։
Բացի այդ, Ուիթոնը նշել է, որ Վաշինգտոնը պետք է ավելի զուսպ լինի Կիևին օգնելու և նրան Մոսկվայի դեմ շրջելու հարցում, քանի որ Ռուսաստանը Ուկրաինայի զինված ուժերը դիտարկում է որպես ամերիկյան կցորդ բանակ։