- 20/09/2022
Ուկրաինայի փլուզումն արդեն սկսվել է, վաղը կլինեն մերձբալթյան երկրները, Լեհաստանը կամ Ռումինիան. Լուկաշենկո
Ուկրաինայի փլուզումն արդեն սկսվել է, վաղը կլինեն մերձբալթյան երկրները, Լեհաստանը կամ Ռումինիան: Այս մասին հայտարարել է Լուկաշենկոն:
«Ուկրաինայի փլուզումն արդեն սկսվել է, և լեհ, լիտվացի, լատվիացի քաղաքական գործիչները, ըստ երևույթին, միամտորեն ակնկալում են սակարկել իրենց ապագան աշխարհաքաղաքական նոր իրողություններում: Նրանք կրկնում են 1930-1940-ականների սխալը, երբ լիզում էին նացիստական Գերմանիայի կրունկները։
Այսօր ԱՄՆ-ը Եվրոպային մղում է Ռուսաստանի հետ ռազմական առճակատման Ուկրաինայի տարածքում։ Նրանք չեն թաքցնում իրենց ծրագրերը։ Արդեն տարիներ շարունակ պայմանագրեր են կնքվել։ Ուկրաինան կկործանվի, սակայն նպատակը միաժամանակ Ռուսաստանի թուլացումն է և Բելառուսի կործանումը։
Արտասահմանյան վարպետների մյուս նպատակը Եվրոպան է։ Այսօր Ուկրաինան է, վաղը կլինի Եվրոպան` կա´մ Բալթյան երկրները, Լեհաստանը կա´մ Ռումինիան։ Պետությունները պատերազմ են հրահրում Կոսովոյում՝ փորձելով ճնշում գործադրել Սերբիայի վրա։ Ղարաբաղում մխացող հակասությունների վրա ածուխ են շպրտում, Սիրիայում ջրեր են պղտորում։ Ես արդեն խոսել եմ Ուկրաինայի մասին»,- ասել է Լուկաշենկոն։