- 22/09/2022
ԱՄՆ-ին զգուշացվել է «սարսափելի սցենարի» մասին՝ Բայդենի` Չինաստանի մասին հայտարարությունից հետո
Միացյալ Նահանգները կարող է ընկղմվել Չինաստանի հետ առճակատման սարսափելի սցենարի մեջ այն բանից հետո, երբ Սպիտակ տունը հայտարարեց «Թայվանին տեր կանգնելու» պատրաստակամության մասին, գրում է ԱՄՆ բանակի սպա Բրենտ Իսթվուդը 19Fortyfive-ի հոդվածում։
«Միացյալ Նահանգները Թայվանը «պաշտպանելու» լավագույն տարբերակները չունի։ Յուրաքանչյուր սցենար <…> հանգեցնում է ծովային կորուստների»,- ասաց նա։
Հեղինակը պարզաբանել է, որ տեսական կոնֆլիկտի դեպքում և այն դեպքում, երբ Վաշինգտոնը խախտի չինական սահմանները, Չինաստանը հնարավորություն ունի հրթիռային հարվածներ հասցնել ամերիկյան նավատորմին, որը կլինի մարտական գոտում։ Իսթվուդի համոզմամբ, ավիակիր խմբի ոչնչացումը «մղձավանջ կլինի» երկրի նավատորմի համար։
«Պենտագոնը պետք է համոզվի, որ Սպիտակ տունը հասկանում է այն գինը, որը պետք է վճարվի», – զգուշացրել է փորձագետը:
Նա հույս է հայտնել, որ Վաշինգտոնն ու Պեկինը դիվանագիտական մեխանիզմներ կգտնեն ճգնաժամը կարգավորելու համար։
Ավելի վաղ Սպիտակ տան ղեկավարը CBS-ին տված հարցազրույցում ասել էր, որ Թայվանի և Չինաստանի միջև զինված բախման դեպքում Վաշինգտոնը կարող է հակամարտության մեջ մտնել Պեկինի դեմ։
