Պուտինը բլեֆ չի անում Ռուսաստանը միջուկային զենքով պաշտպանելու մասին. Վուչիչ

Սերբիայի նախագահ Ալեքսանդր Վուչիչը հայտարարել է, որ Ռուսաստանի առաջնորդ Վլադիմիր Պուտինը բլեֆ չի անում, երբ խոսում է Ռուսաստանի դեմ միջուկային զենք կիրառելու սպառնալիքների դեպքում բոլոր միջոցներով պաշտպանելու մասին։

Սերբական պետության ղեկավարը Նյու Յորքում է, որտեղ մասնակցում է ՄԱԿ-ի Գլխավոր ասամբլեային։

Լրագրողները Վուչիչին հարցրել են, քանի որ նա նախկինում բազմիցս հանդիպել է նախագահ Պուտինի հետ, արդյոք նա բլե՞ֆ է համարում իր հայտարարությունը` բոլոր հասանելի միջոցներն օգտագործելու պատրաստակամության մասին՝ Ռուսաստանին ՆԱՏՕ-ի և Արևմուտքի միջուկային սպառնալիքից պաշտպանելու համար։

«Որպես Սերբիայի նախագահ՝ կարող եմ միայն ասել, որ մենք հուսով ենք, որ խաղաղություն կգա, և բոլորը կանեն հնարավորը փոխզիջումային լուծում գտնելու համար, քանի որ դա շատ ավելի լավ է, քան սպասել մյուս կողմի պարտությանը…

Քանի որ ես բազմիցս հանդիպել եմ նախագահ Պուտինի հետ, չեմ կարծում, որ նա բլեֆ է անում»,- պատասխանել է Սերբիայի ղեկավարը։