- 27/09/2022
Թուրքիան կողմ է Պուտինի և Զելենսկու հանդիպումը հնարավորինս շուտ կազմակերպելուն. Էրդողան
Թուրքիան կողմ է Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հանդիպման կազմակերպմանը շատ մոտ ապագայում։ Այս մասին հայտարարել է նախագահ Ռեջեփ Թայիփ Էրդողանը` Թուրքիայի նախարարների կաբինետի նիստից հետո կայացած ճեպազրույցում, փոխանցում է Anadolu գործակալությունը։
Էրդողանը նշել է, որ Թուրքիան շարունակում է երկխոսությունը թե՛ Ռուսաստանի, թե՛ Ուկրաինայի հետ՝ դիվանագիտական ոլորտում զգալի հաջողությունների հասնելով։
Դա դրսևորվեց նաև «հացահատիկային միջանցքի» և գերիների փոխանակման համաձայնագրով, ասաց քաղաքական գործիչը։
«Թուրքիան կողմ է Ռուսաստանի Դաշնության և Ուկրաինայի նախագահների հանդիպման կազմակերպմանը և պատերազմի շուտափույթ ավարտին»,- ընդգծել է նա։
