Պուտինը ցույց տվեց, որ պատրաստ է լիակատար թշնամանքի ԱՄՆ-ի և Բրիտանիայի հետախուզության հետ

Այս օրերին մի դեպք եւս տեղի ունեցավ, որը գրեթե աննկատ մնաց,  թեեւ ունի խորքային իմաստ: Խոսքը Սնոուդենին Ռուսաստանի քաղաքացիություն տալու մասին է:

Քաղաքագետ Սերգեյ Մարկովը, մեկնաբանելով այդ փաստը, միանգամայն ընդունելի հետեւյալ տեսակետն է ներկայացրել.
«Սնոուդենին Ռուսաստանի քաղաքացիություն տալը շատ կարևոր նշան է։ Չէ՞ որ Պուտինը Սնոուդենին երկար ժամանակ քաղաքացիություն չէր տալիս։ Ինչո՞ւ։ Քանի որ նա գիտեր, թե որքան կարևոր է Սնոուդենը ԱՄՆ-ի և Մեծ Բրիտանիայի հետախուզական հանրության համար: Եվ չէր ուզում վիճել նրանց հետ։ Եվ հիմա, Սնոուդենին քաղաքացիություն տալով, Պուտինը ցույց է տվել, որ պատրաստ է լիակատար թշնամանքի ԱՄՆ-ի և Մեծ Բրիտանիայի հետախուզական հանրության նկատմամբ։ Նաեւ, որ նա չի հավատում իր հետ որեւէ փոխզիջման հնարավորությանը։ Մինչդեռ այժմ գլխավոր հակառակորդը հենց ԱՄՆ-ի և Մեծ Բրիտանիայի հետախուզությունն է։ Բոլորը: Ջեյմս Բոնդի հետ բանակցություններ չկան: Նրանց հետ միայն պատերազմ»: