- 28/09/2022
Մեծ ենք համարում պատերազմի հավանականությունը. Աբխազիայի արտգործնախարարը՝ Վրաստանի հետ պատերազմի մասին
Աբխազիայի իշխանությունները Վրաստանի հետ պատերազմի հավանականությունը մեծ կհամարեն մինչև ուժի չկիրառման մասին պայմանագրի ստորագրումը. նրանք պատրաստ են դա անել հոկտեմբերի սկզբին՝ Ժնևի քննարկումների հաջորդ փուլի ժամանակ, հայտարարել է Աբխազիայի ԱԳ նախարար Ինալ Արձինբան Ռիա Նովոստիին տված հարցազրույցում։
«Քանի դեռ ժնևյան քննարկումների հարթակում Վրաստանի հետ ուժի չկիրառման մասին համաձայնագիր պետք է ստորագրենք, և այն դեռ ստորագրված չէ, մենք մեծ ենք համարում պատերազմի հավանականությունը։ Եվ քանի որ Վրաստանը չի ստորագրում այդ համաձայնագիրը, մենք շարունակում ենք ելնել դրանից»,- ասել է Արձինբան՝ պատասխանելով Վրաստանի հետ զինված բախման հավանականության մասին հարցին։
Նա ընդգծել է, որ Աբխազիայի իշխանությունները հետևում են, թե ինչպես են աճում Վրաստանում մարտական հետախուզական անօդաչու թռչող սարքերի մատակարարման պայմանագրերը, ինչպես են ընդլայնվում շփումները ՆԱՏՕ-ի հետ և ինչպես են ընթանում Միացյալ Նահանգների հետ համատեղ զորավարժությունները։ Բացի այդ, նրանք տեսնում են, որ Վրաստանը պետական բյուջեում պահպանում է ռազմական ծախսերի բարձր մակարդակ՝ մոտ 300 մլն դոլար, ընդգծել է Արձինբան։
