Մասնակի զորակոչից հետո Ղազախստան է մեկնել ավելի քան 200 հազար ՌԴ քաղաքացի

Ռուսաստանում մասնակի զորակոչի մասին հայտարարությունից հետո Ղազախստան է մեկնել ավելի քան 200 հազար ՌԴ քաղաքացի:

Այդ մասին հայտարարել է Ղազախստանի ՆԳ նախարար Մարատ Ախմետժանովը, փոխանցում է Zakon.kz-ը:

Վերջին օրվա ընթացքում Ղազախստան է ժամանել 7000 ռուսաստանցի, իսկ երկիրը լքել է 11 հազար մարդ:

Նախարարի խոսքով, իրավիճակը սահմանին գտնվում է վերահսկողության ներքո, անցակետերում դրությունը կայուն է: