- 08/10/2022
Շոյգուն նշանակել է հատուկ գործողության գոտու զորքերի նոր հրամանատար
Ռուսաստանի պաշտպանության նախարար Սերգեյ Շոյգուն բանակի գեներալ Սերգեյ Սուրովիկինին նշանակել է ռազմական հատուկ գործողության գոտում զինված ուժերի միացյալ խմբի հրամանատար։
Այս մասին հայտարարել է գերատեսչության պաշտոնական ներկայացուցիչ, գեներալ-լեյտենանտ Իգոր Կոնաշենկովը։
«Ռուսաստանի Դաշնության պաշտպանության նախարարի որոշմամբ բանակի գեներալ Սերգեյ Սուրովիկինը նշանակվել է Զորքերի (ուժերի) միացյալ խմբավորման հրամանատար հատուկ ռազմական գործողության գոտում»,- ասել է նա։
Նշենք, որ Սուրովիկինը Ռուսաստանի օդատիեզերական ուժերի գլխավոր հրամանատարն է։ 2017 թվականին նրան շնորհվել է Ռուսաստանի հերոսի կոչում։ Հատուկ գործողության գոտում Սուրովիկինը ղեկավարում է «Հարավ» խմբավորումը։
