- 13/10/2022
Մեզ միլիոնանոց խմբավորում է պետք, և դա կլինի. Ցարև
Ռուսաստանը ստիպված կլինի մոբիլիզացվել և զգալիորեն մեծացնել իր ռազմական կոնտինգենտի թիվը հատուկ գործողության գոտում։ Միայն դա հնարավորություն կտա իրականացնել՝ ոչ միայն հաջող պաշտպանական, այլ նաև հարձակողական գործողություններ։ Այս մասին հայտարարել է Գերագույն ռադայի նախկին պատգամավոր Օլեգ Ցարևը։
«Հիմա ամեն օրը մեր օգտին է աշխատում։ Մենք մոբիլիզացրել ենք պատրաստություն անցնող մարդկանց, մեր կողմից զինվորների թիվը հավասարեցվում է, որպեսզի համեմատելի լինի մյուս կողմի թվի հետ։ Որովհետև ունենք պարադոքսալ իրավիճակ. չնայած այն հանգամանքին, որ մեր երկիրը չորս անգամ ավելի մեծ է, հատուկ գործողության մասնակիցների թիվը չորս անգամ պակաս է եղել։
Իհարկե, անհնար կլիներ պաշտպանել մեր տարածքները և գոնե պահպանել պաշտպանությունը, և առավել ևս՝ նման քանակով հարձակվել… Քանի դեռ զինվորականների թվաքանակով իրավիճակը չենք հարթել, ոչ մի փոփոխություն չի լինի: Դրա համար անհրաժեշտ է զենքի տակ դնել հավելյալ միլիոն մարդու։
«Ուստի վստահ եմ, որ ավելի շատ մոբիլիզացիաներ են լինելու, գիտեմ, որ այս ուղղությամբ աշխատանքներ են տարվում։ Եթե պատերազմի առաջին օրերից մենք ռազմաճակատ ուղարկեինք ոչ թե 170 հազար մեր զինվորներին, այլ 1 միլիոնի, ապա, կարծում եմ, որ իրավիճակն արմատապես այլ կլիներ։ Իսկ մեր ծառայությունները, գերատեսչությունները թերագնահատել են իրավիճակը, չեն ունեցել, ըստ երեւույթի, օբյեկտիվ տեղեկատվություն։ Մեր զինվորականները գերագնահատեցին իրենց հնարավորությունները»,- նշել է Ցարևը:
