Լոնդոնը «Կինժալի» հարվածի տիրույթում է՝ որպես սարսափելի նախազգուշացում Արևմուտքին. The Sun

Ըստ The Sun-ի՝ Ռուսաստանը «Կինժալ» հիպերձայնային հրթիռներ է տեղակայել Բելառուսում, որպեսզի դրանք կարողանան ավելի արագ հասնել Լոնդոն։

«Ըստ բրիտանական հետախուզության՝ մահաբեր զենքերը տեղափոխվել են Լոնդոնից մոտ 1100 մղոն հեռավորության վրա:
Երեքշաբթի օրը պաշտպանության նախարարությունը հրապարակել է Բելառուսի մայրաքաղաք Մինսկից մոտ ութ մղոն դեպի հարավ գտնվող օդանավակայանում արված լուսանկարները: Այն ցույց է տալիս երկու ՄիԳ-31 ինքնաթիռները` յոթ մետր երկարությամբ հրթիռների կոնտեյների մոտ։

«Կինժալը» կարող է շարժվել մինչև 12 անգամ ավելի արագ, քան ձայնը, և ՄիԳ-31 օդանավից արձակվելու նրա կարողությունը գրեթե անհնար է դարձնում հակաօդային պաշտպանության համակարգերի կողմից հայտնաբերելն ու չեզոքացնելը: Եթե ​​արձակվի Բելառուսից, այն կարող է հասնել Լոնդոն մոտ ինը րոպեում»,- գրել է The Sun-ը: