- 02/12/2022
Բայդենը հայտնել է, թե ինչ պայմանով Պուտինի հետ կբանակցի
ԱՄՆ նախագահ Ջո Բայդենը հայտարարել է, որ ընդունում է Պուտինի հետ բանակցությունների հնարավորությունը, եթե Ռուսաստանի Դաշնության նախագահը «շահագրգռվածություն ցուցաբերի» Ուկրաինայում հակամարտությունը դադարեցնելու հարցում։
«Պարոն Պուտին… այստեղ ես պետք է շատ ուշադիր ընտրեմ իմ խոսքերը։ Ես պատրաստ եմ խոսել պարոն Պուտինի հետ, եթե նա իսկապես շահագրգռվածություն ցուցաբերի պատերազմը դադարեցնելու հարցում»,- ասել է Բայդենը ֆրանսիացի գործընկեր Էմանուել Մակրոնի հետ համատեղ մամուլի ասուլիսում։
Իսկ մինչ այս Բայդենը քանիցս ասել է, թե քանի դեռ ռուսական զորքերը դուրս չեն եկել իր պատկերացմամբ` Ուկրաինայից, այդ թվում` Ղրիմից, ոչ մի բանակցություն: Հիմա, պարզվում է, որ կբանակցի, եթե միայն «Պուտինը շահագրգռվածություն ցուցաբերի պատերազմը դադարեցնելու հարցում»: Բայց մի՞թե Պուտինը, ով անձամբ է պատերազմական բեռի տակ, դրանում շահագրգռված չէ: Մի խոսքով, Բայդենի «պայմանը» պարզ առաջարկի տեսք է ստանում:
