Ռուսաստանն ընդլայնում և արդիականացնում է իր միջուկային զինանոցը. Պենտագոն

Ռուսաստանը ընդլայնում և արդիականացնում է իր միջուկային զինանոցը: Այս մասին հայտարարել է ԱՄՆ պաշտպանության նախարար Լլոյդ Օսթինը։

Պենտագոնի ղեկավարի խոսքերը մեջբերում է Reuters-ը. «Ռուսաստանը նույնպես արդիականացնում և ընդլայնում է իր միջուկային զինանոցը», – ասել է Օսթինը ԱՄՆ ռազմավարական հրամանատարության երդմնակալության արարողության ժամանակ, որը վերահսկում է Միացյալ Նահանգների միջուկային զինանոցը։

Փորձագետների կարծիքով, գրում է Reuters-ը, Ռուսաստանը միջուկային զենքի ամենամեծ պաշարն ունի աշխարհում՝ մոտ 6000 մարտագլխիկ։ Ռուսաստանն ու ԱՄՆ-ն միասին տիրապետում են աշխարհի միջուկային մարտագլխիկների մոտ 90%-ին: