ԱՄՆ-ն Ուկրաինային կանաչ լույս է տվել Ռուսաստանում թիրախներին հարվածելու համար. Times

ԱՄՆ-ը «լռելյայն» հավանություն է տվել Ռուսաստանի հեռավոր օբյեկտներին Ուկրաինայի հարվածներին, հայտնում է բրիտանական The Times թերթը՝ հղում անելով Պենտագոնի աղբյուրին։

«Մենք դեռ օգտագործում ենք էսկալացիայի նույն հաշվարկները, սակայն էսկալացիայի վախը փոխվել է այն ամենից, ինչ կար [հատուկ գործողության] սկզբում։

Իրավիճակը փոխվել է. «Մենք Կիևին չենք ասում՝ մի հարվածեք ռուսներին (Ռուսաստանում կամ Ղրիմում)»,- ասել է թերթի զրուցակիցը։

Նա բացատրել է, որ այժմ՝ Ուկրաինայի ենթակառուցվածքին Մոսկվայի հարվածներից հետո, ԱՄՆ-ն ավելի քիչ անհանգստացած է, որ հեռավոր թիրախների վրա Կիևի հարձակումները կարող են հանգեցնել լարվածության աճի։ Ուստի Ուկրաինային թույլ տրվեց ինքնուրույն որոշել, թե ինչպես օգտագործել զենքը։

«Սակայն, երբ նրանք օգտագործում են մեր կողմից մատակարարված զենքերը, մենք պնդում ենք միայն, որ ուկրաինացի զինվորականները հետևեն պատերազմի միջազգային օրենքներին և պահպանեն Ժնևի կոնվենցիաները»,- The Times-ին ասել է աղբյուրը:

Նրա խոսքով՝ այդ պահանջները թույլ չեն տալիս Ուկրաինային հարվածել խաղաղ բնակչությանը և վերացնել կոնկրետ մարդկանց։

Կիևը «հետևում է այս հրահանգներին»,- ասել է աղբյուրը: