Ռուսաստանում զորակոչի տարիքը 18-ից կբարձրացվի 21-ի. Շոյգու

Ելույթ ունենալով պաշտպանության նախարարության կոլեգիայում՝ գերատեսչության ղեկավար Սերգեյ Շոյգուն հայտարարեց ռուսական բանակում կարևոր բարեփոխումների մասին։

Նա տեղեկացրեց, որ Ռուսաստանում զորակոչային տարիքը 18-ից աստիճանաբար կբարձրացվի 21-ի, իսկ զորակոչի տարիքային շեմը 27-ից կհասցվի 30-ի։

Ռուսաստանի Զինված ուժերի թիվը պետք է հասցվի 1,5 միլիոնի, այդ թվում՝ 695 հազար պայմանագրային զինծառայողի, ասել է Շոյգուն։

ՊՆ ղեկավարը բանակի 2023 թվականի առաջնահերթ խնդիրն է անվանել նաև՝ շարունակել ՀՌՕ-ն մինչև դրա ամբողջական ավարտը։

Հաշվի առնելով Ռուսաստանի սահմանների մոտ ռազմական ներուժ ստեղծելու ՆԱՏՕ-ի ցանկությունը, պետք է ստեղծվի ուժային խմբավորում երկրի հյուսիս-արևմուտքում:

Կհայտնվեն զինված ուժերի երկու միջտեսակային ռազմավարական տարածքային միավորումներ՝ Մոսկվայի և Լենինգրադի ռազմական շրջանները, հայտարարել է Շոյգուն։