ԱՄՆ-ն դաշնակիցների լայն կոալիցիա է հավաքում ՌԴ-ի դեմ պայքարելու համար. Բայդեն

Միացյալ Նահանգները դաշնակիցների լայն կոալիցիա է հավաքում, որպեսզի արձագանքի գլոբալ մարտահրավերներին, որոնցից մեկն Ուկրաինայի դեմ Ռուսաստանի պատերազմն է։ Այս մասին, ըստ ԱՄՆ Պետդեպարտամենտի, հայտարարել է Ջո Բայդենը

«Գլոբալ լուրջ մարտահրավերների ժամանակ՝ սկսած գլոբալ գնաճից, կլիմայական ճգնաժամից մինչև Ուկրաինայի դեմ Ռուսաստանի դաժան պատերազմը, մենք հավաքում ենք գործընկերների ամենալայն կոալիցիա՝ արդյունքների հասնելու համար»,- ասել է ԱՄՆ նախագահը։

Բայդենը նաև ընդգծել է, որ իր երկիրը շարունակում է հարգել իր պարտավորությունները և համագործակցել դաշնակիցների ու գործընկերների հետ։