- 04/01/2023
ԵՄ-ն անընդունակ է մրցակցել ԱՄՆ-ի հետ. Բորել
Եվրամիությունը չունի նույն պետական աջակցության հնարավորությունները, ինչ Միացյալ Նահանգները, չի ցանկանում մրցակցել նրանց հետ ընկերություններին նման օգնության հիման վրա և շարունակում է քննարկել գնաճի նվազեցման ակտի (IRA) հետ կապված խնդիրները։ այս մասին իր բլոգում գրել է ԵՄ դիվանագիտության ղեկավար Ժոզեպ Բորելը:
Օգոստոսին ԱՄՆ նախագահ Ջո Բայդենի կողմից ստորագրված օրենսդրությունը ներառում է հարկային սուբսիդիաներ էլեկտրական մեքենաների գնման համար, որոնք հավաքվում են Հյուսիսային Ամերիկայում և օգտագործում են ԱՄՆ-ի արտադրության մարտկոցներ տեղական աղբյուրներից: Փաստաթուղթը նախատեսում է 370 միլիարդ դոլարի հատկացում մաքուր էներգիայի և կլիմայական նպատակներին հասնելու համար, 64 միլիարդ դոլար՝ դեղերի և բժշկական ապահովագրության ծախսերի կրճատման համար։
«Այս օրենսդրությունը հիմնված է մեր նախընտրածից բոլորովին տարբեր փիլիսոփայության վրա։ Այն չի ներառում ածխածնի արտանետումների արժեքը և հիմնականում ներառում է պետական կարևոր սուբսիդիաներ ընկերություններին, որոնք արտադրում են ապրանքներ՝ օգտագործելով էկոլոգիապես մաքուր տեխնոլոգիաներ ամերիկյան հողում», – գրել է Բորելը:
Սա վնաս է եվրոպացի արտադրողներին` պետությունների հետ առևտրային հարաբերություններում և հակասում է ԱՀԿ կանոններին, ասել է նա։
«Մենք չենք ցանկանում և չենք կարողանում մրցակցել պետական սուբսիդիաների հիման վրա, քանի որ դա կվնասի համաշխարհային տնտեսությանը։ ԵՄ-ն չունի ԱՄՆ-ի հետ համեմատելի բյուջետային կարողություններ, և անդամ երկրների (ԵՄ) մակարդակով ԱՄՆ-ի նման քաղաքականության որդեգրումը կարող է մասնատել մեր ներքին շուկան»,- գրել է նա։
«Մենք ակտիվորեն բանակցում ենք ԱՄՆ իշխանությունների հետ այս առանցքային հարցում մոտեցումների տարբերությունները վերացնելու համար», – ասել է Բորելը:
Ավելի վաղ Եվրահանձնաժողովի ղեկավար Ուրսուլա ֆոն դեր Լեյենը հայտարարել էր, որ Եվրամիությունն աշխատում է Միացյալ Նահանգների հետ՝ հարթելու մրցակցային տարաձայնությունները և բիզնեսի համար հավասար պայմաններ ապահովելու համար, որոնք առաջացել են գնաճի մասին օրենքի ընդունումից հետո։ Մինչդեռ իրական փաստն այն է, որ նման քայլերով ԱՄՆ-ն պարզապես ոչնչացնում է եվրոպական տնտեսությությունը, որը չտեսնելու են տալիս նույն ԱՄՆ-ից կառավարվող խամաճիկային եւ թալանչի եվրաղեկավարները` ի վնաս եվրոպական պետությունների:
