- 16/03/2022
Լավրովը պատմել Է Ուկրաինայի հետ բանակցությունների ընթացքի մասին
ՌԴ ԱԳ նախարար Սերգեյ Լավրովը РБК հեռուստաալիքին տված հարցազրույցում հայտնել է, որ բանակցությունները ռուսական եւ ուկրաինական պատվիրակությունների միջեւ «ընթանում են բարդ, բայց կա որոշակի հույս է հասնել փոխզիջման»:
Նա կոչ է արել՝ հնարավորություն տալ պատվիրակություններին աշխատել հանգիստ մթնոլորտում՝ առանց բանակցային գործընթացի շուրջ հիստերիա բորբոքելու։
Հիշեցնենք, որ այսօրվա դրությամբ կայացել է Մոսկվայի եւ Կիեւի բանակցությունների չորս փուլ, որոնցից վերջինը տեղի է ունեցել Դոնեցկի ուղղությամբ Ուկրաինական «Տոչկա-Ու» հրթիռի հարվածի ֆոնին: Այդ ահաբեկչության հետեւանքով զոհվել է 21 խաղաղ բնակիչ։
«Արեւմուտքը չէր ցանկանում լուծել Ուկրաինայի իրադրությունը… Մենք առաջարկեցինք խաղաղ լուծում՝ երկար տարիների համար։ Դա Ուկրաինայի մասին չէ ։ Ավելի ճիշտ ՝ ոչ այնքան Ուկրաինայի, որքան համաշխարհային կարգի մասին։ ԱՄՆ-ն Բայդենի օրոք խնդիր է դրել իրեն ենթարկել Եվրոպային և հասնել նրան, որ Եվրոպան անվերապահ հետեւի ամերիկյան կուրսին։
Ներկայիս ճգնաժամը ճակատագրական պահ է։ Սա դարակազմիկ պահ է ժամանակակից պատմության մեջ։ Այն արտացոլում է պայքարն այն բանի համար, թե ինչ տեսք կունենա աշխարհակարգը»»,- նշել է Լավրովը։
ԱԳ նախարարը նաեւ հայտարարել է, որ Ուկրաինայի չեզոք կարգավիճակը լրջորեն քննարկվում է բանակցություններում, անվտանգության երաշխիքների մասին Ռուսաստանի պահանջների հետ միասին:
Շատ երկրներ աջակցում են Ռուսաստանին՝ Ուկրաինայի շուրջ ստեղծված իրավիճակի կապակցությամբ, սակայն ԱՄՆ-ն նրանց վրա աննախադեպ ճնշում է գործադրում, նշել է Լավրովը: Նրանց թվում են Չինաստանը, Հնդկաստանը, Թուրքիան եւ Եգիպտոսը ։