- 01/04/2022
ԱՄՆ-ը նավթ կվերցնի ռազմավարական պաշարներից
ԱՄՆ նախագահ Ջո Բայդենը, նավթի մատակարարման խափանումների ֆոնին, հինգշաբթի օրը հայտարարեց, որ ԱՄՆ-ը վեց ամսվա ընթացքում ռազմավարական պաշարներից օրական 1 մլն բարել կվերցնի։
«Այսօր ես թույլատրում եմ առաջիկա վեց ամիսների ընթացքում օրական մեկ միլիոն բարել նավթ բաց թողնել։ Այսպիսով, ավելի քան 180 մլն բարել կհատկացվի ռազմավարական պաշարներից»,- ասել է Բայդենը՝ ելույթ ունենալով նավթի և բենզինի գների աճին ԱՄՆ վարչակազմի արձագանքի մասին։
Ինչպես նշել է Սպիտակ տան սեփականատերը, ԱՄՆ ռազմավարական պաշարներից բաց թողնված նավթի ծավալը բավարար կլինի դրա պակասուրդը լրացնելու համար, քանի դեռ այս տարվա վերջ երկիրը կավելացնի նավթի ներքին արդյունահանումը։
«Սա ռազմավարական պաշարներից նավթի ամենամեծ արտահանումն է պատմության մեջ»,- ասել է Բայդենը։
ԱՄՆ նախագահը հավելել է, որ Վաշինգտոնն այդ քայլին կգնա՝ համաձայնեցնելով դաշնակիցների ու գործընկերների հետ ամբողջ աշխարհում։
«Մենք արդեն խոստումներ ենք ստացել տարբեր երկրներից, որ տասնյակ միլիոնավոր բարել նավթ կհանեն շուկա։ Այսպիսով, բաց թողնված նավթի ընդհանուր ծավալը զգալիորեն կգերազանցի օրական 1 մլն բարելը»,- ասել է Բայդենը։
