- 04/04/2022
Ռուսաստանին ռեկորդային շահույթ է սպասվում պատժամիջոցների պայմաններում
Եթե ռուսական էներգառեսուրսների հիմնական գնորդները էմբարգո չդրեն դրանց ներմուծման համար, Մոսկվան կարող է դրանց վրա վաստակել գրեթե 321 մլրդ դոլար՝ հասնելով ռեկորդային դրական սալդոյի, գրում Է Bloomberg-ը:
Գործակալությունը առեւտրային եւ վճարային հաշվեկշռի ակնկալվող ցուցանիշները «փայլուն»է անվանում ։
«Չնայած արտասահմանյան ռուսական ֆինանսների վրա ճնշումներին, Bloomberg Economics-ն ակնկալում է, որ այս տարի Մոսկվան էներգակիրների արտահանումից կվաստակի գրեթե 321 մլրդ դոլար, ինչն ավելի քան մեկ երրորդով ավելի է, քան 2021 թվականին:
«Ռուսաստանը կարող է նաեւ ընթացիկ գործառնությունների հաշվի ռեկորդային դրական սալդոն ակնկալել, որը, միջազգային ֆինանսների ինստիտուտի (IIF) կարծիքով, կարող է հասնել 240 մլրդ դոլարի»,- նշվում է նյութում:
IIF խմբի զեկույցի համաձայն՝ գործող պատժամիջոցները չեն կարողացել կանգնեցնել Ռուսաստան «կոշտ արժույթի ներհոսքը»։
Փորձագետները նաեւ նշել են, որ էներգակիրների վաճառքից ստացված եկամուտները Մոսկվային թույլ են տվել մեղմացնել Արեւմուտքի կողմից սահմանված խիստ սահմանափակիչ միջոցների հետեւանքները:
