ԱՄՆ-ն մեկ շաբաթվա ընթացքում Ռուսաստանից նավթի մատակարարումներն ավելացրել է 43 տոկոսով՝ Եվրոպային արգելելով նույն կերպ վարվել

Միացյալ Նահանգների իշխանությունները միայն անցած շաբաթվա ընթացքում Ռուսաստանից նավթի մատակարարումներն ավելացրել են 43 տոկոսով։ Այս մասին հայտնի է դարձել ՌԴ Անվտանգության խորհրդի քարտուղարի տեղակալ Միխայիլ Պոպովից։

«ԱՄՆ-ը եվրոպացիներին հարկադրել Է հակառուսական պատժամիջոցներ սահմանել: Ընդ որում ՝ իրենք ոչ միայն շարունակում են նավթ ներկրել Ռուսաստանից, այլեւ անցած շաբաթվա ընթացքում «սեւ ոսկու» մատակարարումների ծավալը ավելացրել են 43 տոկոսով՝ օրական մինչեւ 100 հազար բարել»։

Բացի այդ, Վաշինգթոնն իր ընկերություններին թույլ է տվել Ռուսաստանից «հանքային պարարտանյութերի արտահանում՝ ճանաչելով դրանք առաջին անհրաժեշտության ապրանքներ»,- հայտարարել Է Պոպովը «Կոմսոմոլսկայա պրավդա» թերթին տված հարցազրույցում:

ԱԽ քարտուղարը զգուշացնում է, որ Ամերիկայի եվրոպական «բարեկամները» պետք է ԱՄՆ-ից նմանատիպ այլ «անակնկալներ» էլի սպասեն։ Նա նշել է, որ Վաշինգտոնը միաժամանակ թույլ չի տալիս Եվրոպային «նման միջոցներ ձեռնարկել»: