• April 8, 2022

Ինչ կապ ունի ֆրանսիահայ բարերարը Նորք-Մարաշ զինված խմբի գործով. Ուշագրավ զարգացումներ

Ինչ կապ ունի ֆրանսիահայ բարերարը Նորք-Մարաշ զինված խմբի գործով. Ուշագրավ զարգացումներ

Երևանի ընդհանուր իրավասության դատարանում շարունակվում է Նորք Մարաշի զինված խմբի գործով դատաքննությունը: Այս պահին դատարանը լսում է , ըստ նախաքննական մարմնի, գործով լուրջ դերակատարություն ունեցող բարձրաստիճան հոգեւորական Անտոն Թութունջյանի ցուցմունքները, այսօրվա դատական նիստում հրապարակվեց նրա մեկ տասնյակից եւ ավել հասնող ցուցմունքները: Ուշագրավ էր այն փաստը, որ այն ցուցմունքները, որտեղ հոգեւորականը տալիս է այս կամ այն անձանց անունները, ովքեր հետագայում անցնում են գործով, որպես մեղադրյալներ, այդ ցուցմունքները տալիս է առանց փաստաբանի:

Հատկանշական է նաեւ այն է, որ վերջինս ցուցմունքներում հայտարարում է, որ թեպետ չի հրաժարվում փաստաբանից, բայց ցանկանում է, որ տվյալ դեպքում այդ ցուցմունքը գրվի առանց փաստաբանի:

Այս եւ մի շարք այլ ուշագրավ դրվագների հետ կապված «Իրավունքը» դիմեց քր. Գործով անցնող խմբի ղեկավար համարվող Արթուր Վարդանյանի շահերի պաշտպան, «Լեև Գրուպ» փաստաբանական ընկերության հիմնադիր-ղեկավար, հայտնի փաստաբան Լեւոն Բաղդասարյանին, ով արձանագրեց հետեւյալը.

-Այ՛ո, ճիշտ եք նկատել, որոշակի առանցքային ցուցմունքներում, Անտոն Թութունջյանը իր իսկ ցանկությամբ ցուցմունք է տվել առանց փաստաբանի: Միայն այն հանգամանքը, որ վերջինիս ձերբակալվելուց, ապա կալանավորվելուց երկու ամիս խափանման միջոցը փոխում են` կարելի է հետություններ անել, թե ինչ բիրտ մեթոդների է դիմել նախաքննական մարմինը ինչպես Թութունջյանի, այնպես էլ գործով անցնող այլ անձնանց նկատմամբ:

-Պարոն Բաղդասարյան, ցուցմումքները հրապարակվելիս, հիշատակվեց նաեւ ֆրանսիահայ բարերար, մեծահարուստ Միշել Դավուդյանի անունը: Ի՞նչ կապ ունի այդ անձնավորությունը այս քր. Գործի հետ:

-Կարող եմ ընդամենը տեղեկացնել, որ այո, նախաքննության ընթացքում հարցաքննվել նաեւ Միշել Դավուդյանը, եւ ինչպես նկատեցիք Թութունջյանի տված ցուցմունքից` որոշակի ֆինաննսավորում կատարվել է Միշել Դավուդյանի կողմից` տրված Թութունջյանին:

-Պարոն Բաղդասարյան, ի՞նչ ակնկալիքներ ունեք վերջնական դատական ակտից:

-Ըստ էության 2018թ.-ի իշխանափոխությունից հետո, ըստ իս, այս դատական գործը տեղ չպետք է ունենար դատական համակարգում : Ավելին, կարծում եմ, որ այս ք, գործում առկա են բավականին իրարամերժ գործառույթներ, ընդհուպ լիազոր մարմինների կողմից առերեւույթ թույլ տված դատավարական խախտումներ: Ավելին, այս գործի շրջանակներում, իմ պաշտպանյալի մասով մտել ենք դատական պաշտպանության այլ գործով, որով կա արդեն վերջնական դատական ակտ, որը բողոքարկվել է ԱԱԾ-ի եւ Ոստիկանության կողմից, որով ոչ իրավաչափ են ճանաչել պետական լիազոր մարմինների որոշ գործողություններ:

Տեղեկացնեմ նաեւ, որ ՄԻԵԴ-ում քննվում է Ա.Վարդանյանին անօրինական կալանքի տակ պահելու հանգամանքը, արդեն հարցումներ են կատարվել ՀՀ կառավարությանը, ստացել են պատասխանը: Եվ, ըստ իս, սարերի հետեւում չէ նաեւ ՄԻԵԴ դատական ակտը:

Ամփոփելով խոսքը հայտնի փաստաբանը նկատում է.

-Արձանագրեմ, որ տվյալ գործով ակնկալում եմ դատարանի կողմից օբյեկտիվ քննություն, ինչպես նաեւ ակնկալում եմ, որ մեղադրանքի կողմը մեկ ժամ շուտ կհրաժարվի մեղադրանքից:

ԻԼՈՆԱ ԱԶԱՐՅԱՆ

Առնչվող գրառում

Բայդեն Գուդն. ամերիկացիներից փող է վերցնում ու տալիս Ուկրաինային (Ֆոտո)

Բայդեն Գուդն. ամերիկացիներից փող է վերցնում ու տալիս Ուկրաինային…

Սոցցանցերում, այդ թվում` ամերիկյան ակտիվորեն շրջանառվում է նոր կատակը. «Ամերիկյան ֆոլկլորի նոր հերոսը Բայդեն Գուդն է։ Ամերիկացիներից փող է վերցնում ու…
ՎԴՎ-ի 7-րդ դիվիզիայի հրետանին ոչնչացնում է ուկրաինական ինքնագնաց հրետանին ´Տեսանյութ)

ՎԴՎ-ի 7-րդ դիվիզիայի հրետանին ոչնչացնում է ուկրաինական ինքնագնաց հրետանին…

7-րդ օդադեսանտային դիվիզիայի հրետանին ոչնչացնում է հակառակորդի ինքնագնաց հրետանին:
Մեր զորքերը հարձակման անցան Սնիգիրևկայի արևմուտքում. Իգոր Ստրելկով

Մեր զորքերը հարձակման անցան Սնիգիրևկայի արևմուտքում. Իգոր Ստրելկով

Դոնբասի բանակի հիմնադիր եւ առաջին հրամանատար Իգոր Ստրելկովը, ով ներկայումս Մոսկվայի պաշտոնական քաղաքականության քննարադության պատճառով զրկված է պատերազմին մասնակցելու հնարավորությունից, այս…